Lańkestik áreket saldarynan 3 myńnan astam adam qaza tapty.
AQSH- taǵy «Egiz» munaralardy qıratqan 11 qyrkúıek oqıǵasyna bıyl 20 jyl toldy, dep habarlaıdy Almaty-akshamy.kz Almaty.tv-ge silteme jasap.
2001 jyldyń 11 qyrkúıeginde Nú-Iorktegi munarasy kók tiregen Dúnıejúzilik saýda ortalyǵynda eki ushaq jarylyp, ǵımarat jermen jeksen boldy. Terrorshylardyń basqarýyndaǵy úshinshi ushaq Pentagon ǵımaratyna, tórtinshisi Pensılvanıa shtatynyń aýmaǵyna qulady.
Lańkestik áreket saldarynan 3 myńnan astam adam qaza taýyp, 6 myńǵa jýyǵy jaralanǵan. 24 adam iz-túzsiz joǵalyp ketti. Órt sóndirýshiler men polıseılerdiń kúshimen apattan 30 myńǵa jýyq adam qutqarylǵan.
Aıta keteıik, 2006 jyldyń 11 qyrkúıeginde Nú-Iorkte terrakt qurbandaryna arnalǵan monýment ashyldy. Reseı músinshisi Zýraba Seretelıdiń bul týyndysy - reseılikterdiń Amerıka halqyna arnaǵan terrakt qurbandaryn eske alý belgisi. Eskertkishtiń bıiktigi - 30 metr, salmaǵy 170 tonnadan astam.