"Omıkronnyń" órshýine baılanysty AQSH-tyń birneshe qalasynda jańajyldyq sharalarǵa shekteýler qoıylyp, keıbiri múldem bolmaıtyn boldy, dep habarlaıdy Almaty-akshamy.kz
Máselen, Atlanta ákimshiligi 30 jyldyq tarıhy bar dástúrli jańajyldyq keri sanaqty ótkizýden bas tartty. San-Fransıskodaǵa otshashýdy da amerıkandyqtar ekinshi jyl qatarynan tamashalaı almaıdy. Qala basshylarynyń aıtýynsha, qoǵamnyń qaýipsizdigi men qaterli indettiń taralýyna jol bermeý úshin jasalǵan sheshim bul.
Al Chıkago, Las-Vegas, jáne Nú-Iork sıaqty qalalarda jańajyldyq sharalar ótkenimen, qatań shekteýler qoıylýda. Máselen, Taıms Skverdegi krıstaldy shardy tamashalaý úshin tolyqtaı vaksınalanyp, kovıd pasportyn kórsetýińiz kerek. Sonymen qatar sharaǵa ádettegideı 60 myń adam emes, 15 myń adamǵa ǵana qatysýǵa ruqsat etiledi.
Al dárigerler bolsa, jańajyldyq sharalardy onlaın formatta tamashalap, merekeni otbasynyń aınalasynda qarsy alýǵa keńes berýde.