AQSH-ta maımyl sheshegin juqtyrǵandardyń kóbeıýine baılanysty Baıden ákimshiligi búkil elge vaksına taratýdy bastaıdy, dep habarlaıdy Almaty-akshamy.kz Inform.kz-ke silteme jasap.
AQSH densaýlyq saqtaý jáne áleýmettik qyzmet kórsetý mınıstrligi «Jynneos» vaksınasynyń 56 myń dozasyn vırýs juqtyrý jyldamdyǵy joǵary aımaqtarǵa jiberdi. Birneshe apta ishinde taǵy 240 myń vaksına taratylmaq. Kúz sońyna deıin kem degende 1,6 mln doza qoljetimdi bolady dep kútilip otyr. AQSH-tyń Aýrýlardy baqylaý jáne aldyn alý ortalyqtarynyń sońǵy málimetterine sáıkes, ınfeksıa juqtyrý sany eń kóp aımaqtarǵa Kalıfornıa, Nú-Iork, Illınoıs, Florıda jáne Vashıngton qalalary kiredi.
AQSH-ta maımyl sheshegi alǵash ret mamyr aıynda Massachýsets shtatynda anyqtaldy. Sodan beri vırýs búkil elge tarap, 28 shtatta 306-dan astam juqtyrý jaǵdaıy tirkeldi. Azyq-túlik jáne dári-dármekterdi baqylaý basqarmasy maquldaǵan eki dozaly «Jynneos» vaksınasy ınfeksıanyń aldyn alyp qana qoımaı, juqtyrǵan ınfeksıany toqtatady. Doza 28 kún aralyqpen salynady. AQSH-tyń Aýrýlardy baqylaý jáne aldyn alý ortalyǵy 49 elde kem degende 4 700 adamnyń maımyl sheshegin juqtyrǵany anyqtalǵanyn habarlady.