Aerostat muhıttyń ústinde ushyp júrgen.
Ońtústik Karolına jaǵalaýynda Atlant muhıtynyń ústinen ushyp bara jatqan Qytaı aerostatyna oq tıdi. Qazir sýǵa túsken qaldyqtardy tazartý operasıasy júrip jatyr. AQSH Prezıdenti Djo Baıden ushqyshtardy tapsyrmanyń sátti oryndalýymen quttyqtady, dep habarlaıdy Almaty-akshamy.kz Lenta.ru silteme jasap.
Buǵan deıin AQSH aspanynda jumbaq shar paıda bolyp, ony Pentagon tyńshylyq jasap júrgen Qytaıdyń obektisi dep málimdegen. Osyǵan baılanysty AQSH memlekettik hatshysy Entonı Blınken Qytaıǵa saparynan bas tartqan bolatyn.
Beıjiń munyń qate ekenin aıtyp, asyǵys sheshim qabyldamaýǵa shaqyrdy.
«Qytaıdyń Amerıka Qurama Shtattarynyń ústinen barlaý aerostatyn ushyrý sheshimi aqylǵa syımaıdy, bul - jaýapsyzdyq. Másele osynda. Bul - bizdiń egemendigimizdi buzý. Bul - halyqaralyq quqyqty buzý. Josparlanǵan sapar aldyndaǵy mundaı qadam biz talqylaımyz dep otyrǵan taqyryptarǵa, kelissózge zıanyn tıgizedi», - deıdi AQSH memlekettik hatshysy.
Entonı Blınken AQSH-tyń Qytaımen dıplomatıalyq baılanysqa múddeli ekenin jáne múmkindik bolǵan kezde Beıjińge barýdy josparlap otyrǵanyn aıtty.