Amerıkada jelige kúdikpen qaraıdy.
AQSH Kongresiniń Ókilder palatasy endi telefondarynda TikTok áleýmettik jelisin paıdalanýǵa tyıym salady, dep habarlaıdy Almaty-akshamy.kz Inbusiness.kz silteme jasap.
AQSH bıligi TikTok qosymshasyna jáne onyń qytaılyq ıesi ByteDance-ke kúdikpen qaraýdy jalǵastyryp keledi. Ásirese, platformanyń QHR Komýnıstik partıasymen baılanystary men qytaılyq sheneýnikter AQSH derekterine qol jetkize alady degen sybys shyqqaly beri alańdaýshylyq arta tústi. Osyǵan baılanysty Kongreste shyǵyndar týraly jıyntyq zań jobasynda úkimettik qurylǵylarǵa qosymshany ornatýǵa tyıym salyndy.
2022 jyly AQSH Kongresi tehnologıalyq ındýstrıaǵa áser etken birneshe mańyzdy zańnamany qabyldady.
Olardyń arasynda óndirýshilerge AQSH-ta jartylaı ótkizgish zaýyttaryn salý úshin ondaǵan mıllıard dollar beretin Chıp týraly zań da bar. Osylaısha, Vashıngton kompúterlik chıpterge qatysty Beıjińge táýeldi bolǵysy kelmeıdi.
Jańa zań jobasy birneshe jartylaı ótkizgish kompanıalardy Arızona, Nú-Iork pen Ogaıoda jańa zaýyttar salýdy bastaýǵa ıtermelegeni belgili.
TikTok - Beıjińdegi ByteDance kompanıasyna tıesili qysqa beınelerdi jasaýǵa jáne kórýge arnalǵan qosymsha.