Tramp AQSH-tyń Dúnıejúzilik densaýlyq saqtaý uıymynan shyǵý týraly jáne ólim jazasyn qaıtarý týraly jarlyqqa qol qoıdy, dep habarlaıdy aqshamnews.kz
AQSH prezıdenti Donald Tramp eldiń Dúnıejúzilik densaýlyq saqtaý uıymynan (DDSU) shyǵýy týraly jarlyqqa qol qoıdy. Bul sheshim Tramp ákimshiliginiń uıymǵa degen syn kózqarasymen baılanysty. Prezıdent pandemıa kezinde DDU-nyń áreketterin «tıimsiz jáne ádiletsiz» dep baǵalaǵan bolatyn. Onyń pikirinshe, uıymnyń saıasaty AQSH múddelerine jetkilikti deńgeıde jaýap bermegen.
Sonymen qatar, Tramp ólim jazasyn federaldy deńgeıde qaıta engizý týraly jarlyqqa da qol qoıdy. Bul sheshim el ishinde jáne halyqaralyq deńgeıde túrli pikirtalas týǵyzdy. Ólim jazasy AQSH-ta birneshe onjyldyq boıy keıbir shtattarda qoldanylyp kelgenimen, federaldy deńgeıde mundaı jazany qaıtarý qoǵamda úlken rezonans týdyrýy múmkin.
Bul eki jarlyq Tramptyń ishki jáne syrtqy saıasattaǵy batyl ári daýly qadamdaryn kórsetip otyr.
Kerek derek:
Dúnıejúzilik densaýlyq saqtaý uıymy (DDU)
Qurylǵan jyly: 1948 jyldyń 7 sáýiri.
Shtab-páteri: Jeneva, Shveısarıa.
Músheleri: 194 el.
Maqsaty: Halyq densaýlyǵyn jaqsartý, aýrýlardyń aldyn alý jáne densaýlyq saqtaý salasynda halyqaralyq standarttar ázirleý.
Qyzmetteri:
Infeksıalyq aýrýlarmen kúres;
Vaksınalaý baǵdarlamalary;
Densaýlyq saqtaý saıasatyn jetildirý;
Dári-dármek pen taǵam ónimderiniń qaýipsizdigin baqylaý.
Tarıhı jetistikteri:
Sheshek aýrýyn tolyq joıý (1980 j.);
Polıomıelıtti joıýǵa jaqyndaý.
Qazaqstan men DDU: Qazaqstan 1992 jyly DDU-ǵa múshe boldy. Uıym elimizdegi densaýlyq saqtaý reformalaryn qoldaıdy.
Qazirgi basshysy: Tedros Adhanom Gebreıesýs.