Buıryq lańkestik oqıǵanyń 20 jyldyǵy qarsańynda shyǵyp otyr.
AQSH prezıdenti Djo Baıden 2001 jylǵy 11 qyrkúıekte bolǵan lańkestik shabýyl jónindegi qupıa qujattardy jarıa etýdi buıyratyn qujatqa qol qoıdy, dep habarlaıdy Almaty-akshamy.kz Baq.kz-ke silteme jasap.
Naqtyraq aıtqanda, ol Ádilet mınıstrligi men ózge de quzyretti organdarǵa FBR tergeýi jónindegi qujattardy jarıa etý turǵysynan zerdeleýdi tapsyrdy.
Azattyqtyń málimetine qaraǵanda, Buıryq lańkestik oqıǵanyń 20 jyldyǵy qarsańynda shyǵyp otyr. Ótken aıda lańkestik shabýyl qurbandarynyń týystary Baıdennen qupıa qujattardy jarıa etpeıinshe 11 qyrkúıek oqıǵasyn eske alý sharasyna kelmeýdi talap etken. Olar FBR qujattarynda lańkestik shabýyl artynda Saýd Arabıasy turǵanyn kórsetetin aıǵaqtar bar dep senedi.
«Qupıa qujattardy jarıa etý ulttyq qaýipsizdikke nuqsan keltirýi múmkin bolǵanymen, buqaranyń jarıalyqqa degen muqtajdyǵy ulttyq qaýipsizdik múddesinen basym bolatyn tusta aqparat qupıa kúıinde qalmaýy kerek», - dedi Baıden óz buıryǵynda.
Osy buıryqtan keıin bas prokýratýra qaı qujatty áshkere etýge bolatynyn, qaı qujatty áli de qupıa ustaý qajetin anyqtap, birinshisin alty aı ishinde jarıalaýy tıis.
2001 jyly 11 qyrkúıekte bir top lańkes jolaýshy ushaqtaryn basyp alyp, olardy Nú-Iork qalasyndaǵy saýda úıine baǵyttaǵan. Saldarynan 3 myńǵa tarta adam qaza tapty.
Ushaqty urlaǵandardyń ishinde 15-i Saýd Arabıasynyń azamaty bolǵan. Shabýyldy moınyna alǵan «ál-Qaıda» uıymynyń jetekshisi Ýsama bın Laden de Saýd Arabıasynyń azamaty.
Saýd Arabıasy shabýylǵa qatysy baryn joqqa shyǵarady.