5 qyrkúıek kúni tańerteń Almaty qalasyndaǵy monsha kesheni órtendi.
2021 jylǵy 5 qyrkúıekte tańǵy 7saǵat: 49mınýtta órt sóndirýshiler Medeý aýdany, Kereı jáne Jánibek handar k-si, 452-ge shyqty. Kelgen boıda «Lá kýpel» eki qabatty monsha kesheniniń «parılnaıa» bóliminiń janýy anyqtaldy, dep habarlaıdy Almaty-akshamy.kz.
Almaty qalasy Tótenshe jaǵdaılar departamentiniń málimetinshe, janyp turǵan penoblok pen aǵashtan jasalǵan monsha kesheniniń ǵımaraty, órttiń jaqyn ornalasqan eki ǵımaratyna taralý qaýpin týdyrdy.
Qatty tútindeýge baılanysty gaz-tútinnen qorǵaý qyzmetiniń býyndary iske qosyldy. Órt oshaǵyn anyqtaý úshin teplovızorlar qoldanyldy. Barlaý jumystarny kezinde ekinshi qabattyń tóbe jabyndysynyń jartylaı opyrylýy oryn aldy, ári qaraı órt sóndirýshiler qaýipsizdik tehnıkasyn saqtaı otyryp, órt sóndirýge jáne qorǵaýǵa órt oqpandary engizdi, magıstraldyq jeliler tartylyp, avtosısternalar órt gıdranttaryna ornatyldy,
Sondaı-aq keshen aýmaǵyndaǵy ashyq sý kózinen motopompadan sý alynyp, osylaısha sýdy úzdiksiz berý qamtamasyz etildi. Aýdannyń sý kózderiniń az bolýyna baılanysty «Almaty sý» qosymsha sý tasymaldaý uıymdastyrylǵan.
Ákimshiliktiń aıtýynsha, keshende demalýshylar bolǵan joq.
Órtti sóndirýge jeke quramynan 34 adam, 8 birlik tehnıka jáne qalalyq ózara árekettesý qyzmetteri jumyldyryldy.
Qabyldanǵan sharalarmen órt 9:58 de aýyzdyqtalyp, Monsha kesheniniń janynda turǵan ǵımarattarǵa taratýǵa jol berilmedi.