Bolashaq IT-krımınalısterdi, aqparattyq júıelerdiń ınjener-baǵdarlamashylaryn İİM akademıasynda daıyndaıdy. Bul týraly Óńirlik komýnıkasıalar qyzmetiniń brıfıńinde QR İİM Almaty akademıasy basshysynyń orynbasary Erjan Bımoldanov aıtty, dep habarlaıdy almaty-akshamy.kz
Spıker atap ótkendeı, 2023 jyldan bastap Qazaqstanda alǵash ret IT-krımınalıstıka baǵyty boıynsha oqytý úshin kýrsanttardy qabyldaý qalyptasty. Mundaı tásil Qazaqstan Respýblıkasynyń İshki ister organdary júıesi úshin IT salasyndaǵy jańa mamandardy daıarlaýdy jáne qolda bar mamandardy qaıta daıarlaýdy qamtamasyz etedi.
«İshki ister mınıstrligi basshylyǵynyń tapsyrmasy boıynsha biz IT-baǵyttaǵy calalyq mamandardy - IT-krımınalıster, İİO aqparattyq júıeleriniń ınjener-baǵdarlamashylary, krımınaldyq polısıa jelisi boıynsha IT-qyzmetkerlerdi oqytýǵa kóshtik. Atalǵan baǵyttar boıynsha oqytý prosesi aqparattyq tehnologıalar, IT-ınfraqurylym, baǵdarlamalaý, aqparattyq qaýipsizdik, sondaı-aq qoǵamdyq qaýipsizdikti qamtamasyz etý jáne kıberqylmysqa qarsy is-qımyl negizderi salasyndaǵy modýlder men pánder boıynsha kúsheıtilgen daıarlyqty kózdeıdi», - dedi E.Bımoldanov.
Osylaısha, akademıada kıberpolıgon, kıberlaboratorıa jáne kıberqylmysqa qarsy is-qımyl boıynsha mamandar daıarlaý ortalyǵy ashyldy, onda kásiptik oqytý baǵdarlamalary boıynsha arnaıy jáne quqyq qorǵaý organdarynyń qyzmetkerleri oqytylady. Sondaı-aq kıberqaýipsizdik jáne aqparattyq júıeler kafedralary, kıberqylmystardy ashý jáne tergeý kafedralary bar.
Osy baǵyttar boıynsha oqyǵan túlekter kıberqylmystardy ashýmen jáne tergeýmen aınalysatyn polısıa departamentiniń arnaıy bólimshelerinde jumys isteıtin bolady.
Vedimistik JOO-da olar óz resýrstarymen shektelmeıdi, sonymen qatar sabaqtardy ótkizýge jetekshi halyqaralyq, sheteldik jáne ulttyq IT-mamandardy belsendi tartady. Ulttyq jáne sheteldik joǵary oqý oryndarymen, sondaı-aq jetekshi otandyq IT-kompanıalarmen birlesken ǵylymı zertteýler júrgizilýde.
«Bir oqý ornynyń kúsh-jigeri búkil eldiń kıberqaýipsizdigin qamtamasyz etý úshin jetkiliksiz. Kıberqaýipsizdik mamandaryn daıarlaý boıynsha búkil naýqandy ótkizý úshin áskerı jáne arnaıy oqý oryndarynyń maksımaldy sanynyń kúsh-jigerin biriktirý óte mańyzdy. Osyǵan baılanysty Almaty akademıasy áskerı, arnaýly oqý oryndary úshin kıberqaýipsizdik boıynsha bilim jáne ǵylym salasyndaǵy yntymaqtastyq jónindegi deklarasıanyń jobasyn ázirledi», - dedi spıker.
Sońynda Erjan Bımoldanov talapkerlerge QR İİM Almaty akademıasyna túsýge shaqyrdy.
«Biz qazirgi ýaqytta polısıa qyzmeti usynatyn múmkindikterdi alýǵa, sonymen birge óz patrıotızmińizdi kórsetýge múmkindik beretin zamanaýı bilim beremiz. Biz óz elimizdiń bolashaǵy úshin, óz memleketimizdiń qaýipsizdigi úshin shynymen ne alańdaýymyz kerek ekendigi týraly oılaný. Eger tıisti tilek bolsa, biz sizge kelýge, oqýǵa, joǵary deńgeıli maman bolýǵa kómektesý úshin barynsha kúsh salamyz. Jáne maqsatymyz - aldaǵy ýaqytta qoǵamǵa, memleketke jáne óz halqyna paıda ákelý», - dep tolyqtyrdy ol.