Aqparat komıtetiniń tóraǵasy qyzmetin Meıirlan Rahanov atqaratyn boldy, dep habarlaıdy almaty-akshamy.kz
Mádenıet jáne aqparat mınıstriniń buıryǵymen Meıirlan Aqylbekuly Rahanov Aqparat komıtetiniń tóraǵasy bolyp taǵaıyndaldy, - dep jazylǵan habarlamada.
Aıta keteıik, Meıirlan Rahanov 1988 jyly Qaraǵandy oblysynda dúnıege kelgen. Qaztutynýodaǵy Qaraǵandy ekonomıkalyq ýnıversıtetin bitirgen. Eńbek jolyn 2011 jyly Qaraǵandy qalasy ákimdiginiń İshki saıasat bóliminde bastaǵan.
- 2012 jyly – Qaraǵandy oblysy Salyq basqarmasynyń jetekshi mamany;
- 2012-2013 jyldary – Qaraǵandy oblysy ákimdigi İshki saıasat basqarmasynyń bas mamany;
- 2013-2016 jyldary – Aqparat komıteti Baspa BAQ basqarmasynyń sarapshysy, bas sarapshysy;
- 2016-2021 jyldary – Prezıdent baspasóz qyzmetiniń sarapshysy, keńesshisi, ınspektory;
- 2021 jylǵy shildeden 2023 jylǵy jeltoqsanǵa deıin Prezıdent baspasóz qyzmetiniń sektor meńgerýshisi boldy.