Atalǵan soma respýblıkalyq búdjetke transfertterdi qamtamasyz etýge baǵyttaldy.
Bul týraly Ulttyq banktiń valúta naryǵy boıynsha aı saıynǵy esebinde jazylǵan.
Ulttyq qordan respýblıkalyq búdjetke transfertterdi qamtamasyz etý úshin valúta satý aqpanda 590 mln AQSH dollaryn qurady. Ulttyq qordan satý úlesi saýda-sattyqtyń jalpy kóleminen 23%-dy qurady jáne bir kúnde 30 mln AQSH dollarynan aspady.
«Ulttyq qordyń qarajatymen operasıalar júrgizý kezinde Ulttyq Bank naryqtyń beıtarap qaǵıdatyn saqtaıdy. Bul shetel valútasyn turaqty jáne birkelki satý degendi bildiredi. Osy tájirıbe valúta naryǵyna Ulttyq Qor operasıalarynyń áserin barynsha azaıtýǵa múmkindik beredi», – dep habarlady Ulttyq bank.