Elimizde kóktemgi sý tasqynyn boljaıtyn arnaıy júıe iske qosyldy.
Sý resýrstary jáne ırrıgasıa mınıstrliginiń habarlaýynsha, alǵashqy joramal aqpan aıynyń basynda, ekinshisi naýryzda shyqpaq, dep habarlaıdy aqshamnews.kz
Qazir Tasqyn júıesi jahandyq GloFAS eskertý platformasyna qosyldy. Sol arqyly 135 ózen boıynsha tasqyn kezeńine qatysty uzaq merzimdi boljam alýǵa múmkindik bar.
«Qazir Tasqyn júıesi aqparattyq qaýipsizdik talaptaryna sáıkestigin tekserýden ótip jatyr. Budan bólek, elimizde sý resýrstary jáne ırrıgasıa mınıstrligi men Nıderland Sý bilim berý ınstıtýty arasyndaǵy memorandým aıasynda eki sheteldik ázirlemeni paıdalana otyryp, sý tasqynyn boljaý júıesi engizilýde. Bul golandıalyq Delft-Fews platformasyna biriktirilgen Talsim nemis júıesi», – dep habarlady vedomstvo ókili.