Prezıdenttik orkestr eki eldiń memlekettik gımnin oryndady
Memleket basshysy Qasym-Jomart Toqaev memlekettik saparmen kelgen Túrikmenstan Prezıdenti Serdar Berdymuhamedovty Aqordada qarsy aldy, dep habarlaıdy Almaty-akshamy.kz.
Mártebeli meımannyń saparyna oraı Saltanatty rásimder zalynda qurmet qaraýyly sap túzep, onyń bastyǵy Memleket basshylaryna sálemdik baıanat berdi.
Osydan keıin Prezıdenttik orkestr eki eldiń memlekettik gımnin oryndady.
Ánurandy tyńdap bolǵannan keıin Serdar Berdymuhamedov pen Qasym-Jomart Toqaev kilemshe boıymen Qazaqstan Respýblıkasynyń Memlekettik Týyna qaraı júrdi. Onyń aldyna kelgende meıman toqtap, basyn sál ıip, óziniń qurmetin bildirdi.
Sonan soń meıman men Prezıdent qurmetti qaraýyl sapynyń boıymen júrdi.
Túrikmenstan Prezıdenti qurmetti qaraýyl bastyǵymen qoshtasyp, Qazaqstan Prezıdentimen shaǵyn quramdaǵy kezdesýge ótti.