Vedomstvonyń habarlaýynsha, zardap shekkender men qaza tapqandar joq.
Aqmola oblysynda An-2 ushaǵy apatqa ushyrady, dep habarlaıdy Almaty-akshamy.kz TJM baspasóz qyzmetine silteme jasap.
"Derjavınsk qalasynan 10 shaqyrym jerde An-2 ushaǵy órtendi. Pılot janyp jatqan ushaqtan ózdiginen evakýasıalandy ”, – dep jazylǵan habarlamada.
Qutqarýshylar segiz mınýttyń ishinde órtti oqshaýlady. Qazirgi tańda órt tolyǵymen sóndirilgen.
Kólik mınıstrligi bul apatty arnaıy komısıa tergeıtinin málimdedi. Mınıstrlik dereginshe, oqıǵa jeksenbi kúni bolǵan. UPA0141 nómirimen tirkelgen ushaq "Búrkit-Avıa" JSHS-ǵa tıesili. An-2 tehnıkalyq ushý jasaǵan. Bortta bir pılot bolǵan.
"Oqıǵa boıynsha Kólik mınıstrligi áýe apatyn tergeý úshin komısıa quryp jatyr. Departament qyzmetkerleri áýe apaty ornyna attanady”, - delingen habarlamada.