Para dzúdodan 48 kg salmaq dárejesinde (J2 sanaty) beldesken Aqmaral Naýatbek Parıj Paralımpıadasynyń jeńimpazy atandy.
Fınalda ol Fransıa ókili Sandrına Martıneden basym túsip, altyn júldege qol jetkizdi, dep habarlaıdy aqshamnews.kz Týrızm jáne sport mınıstrligine silteme jasap.
«Aqmaraldy Paralımpıa oıyndarynyń chempıony atanýymen shyn júrekten quttyqtaımyn! Otandasymyz fınalǵa deıin barlyq qarsylasyn aıqyn basymdyqpen jeńip, fınalda jarys qojaıynyn san soqtyrdy. Para dzúdodan Qazaqstan tarıhynda áıelder arasynda tuńǵysh álem chempıony ataǵyn jeńip alǵan Aqmaral endi mine, el tarıhynda dál osy sport túrinen Paralımpıadada top jarǵan alǵashqy sportshy atanyp otyr. Ol byltyrǵy para Azıa oıyndarynda da qarsylas shaq keltirmeı, altynnan alqa taqqan edi.
Otandasymyzdyń bul jeńisi elimizde para sportpen aınalysatyn jandarǵa úlgi-ónege boldy dep oılaımyn. El mereıin ósirgen jeńisteri úshin alǵys aıtamyn. Aqmaralǵa zor densaýlyq, baqyt jáne sportta jańa jetistikter tileımin!», - dedi mınıstr.
Aıta keteıik, Aqmaral Parıj tatamıiniń jartylaı fınalynda túrkıalyq Djahıde Ekeni, shırek fınalda úndistandyq Kokılany ıpponmen jeńgen edi.