Paralımpıadashylarymyzdyń qorjyny taǵy bir altynmen tolyqty, dep habarlaıdy aqshamnews.kz Týrızm jáne sport mınıstrligine silteme jasap.
Para dzúdo
48 kg salmaq dárejesinde (J2 sanaty) beldesken Aqmaral Naýatbek Parıj Paralımpıadasynyń jeńimpazy atandy. Fınalda ol Fransıa ókili Sandrına Martıneden basym túsip, altyn júldege qol jetkizdi.
57 kg salmaq dárejesinde óner kórsetetin Alfıa Tilekqabyl jubanysh beldesýinde jeńilip qaldy.
Para júzý
Nurdáýlet Jumaǵalı Parıj Paralımpıadasynyń fınalynda SB13 sanatynda 100 metrge bras ádisimen júzýden baq synap, kúmis medal jeńip aldy. Oǵan qosa Nurdáýlet óz sanatynda jańa Paralımpıada rekordyn ornatty.
Ámir Muratbekov 100 metrge bras ádisimen (SB11 sanatynda) júzýdiń fınalyna qatysyp, júldeli orynǵa jete almady.
Para paýerlıftıng
59 kg salmaqta baq synaǵan Stanıslav Shakıev 178 kılomen 7-orynǵa turaqtady.
Para jeńil atletıka
Iadro laqtyrýdan fınalda óner kórsetken Elaman Jolaman jarysty 7-orynmen aıaqtady.
Paralımpıadanyń segizinshi jarys kúninen keıin Qazaqstan quramasynyń qorjynynda 2 altyn, 2 kúmis, 1 qola júlde bar.