Jaqsy adam!
Aman aǵa aqkóńil adamǵa janashyr asyl tulǵalardyń biri. Ǵasyrynda bir týar arda azamat. Naǵyz qazaqty adamǵa janashyr jan. Ásirese, jastarǵa qamqorlyǵynda shek joq. Kópten beri jaqsy adam týraly jazǵym kelip júr edi. Búgingi maqalamdy Amanhan Álimulyna arnaımyn.
Almatyǵa alǵash kelgen kezim. Bir sharýalarmen Jeltoqsan 175 ǵımaratqa bardym. Bir shetinde telearnalar, endigisinde radıo jaǵy ornalasypty. Kóne tartqan ǵımarat bolsada, birshama tarıhtyń syrlaryn ańǵartýda. Sóıtip, osy ǵımarattyń tórtinshi qabatyndaǵy «Qazaq gazetteri» redaksıasyna bas suqtym. Qabyldaýda otyrǵanmyn. Óz kezegimdi kútip. Sol kezde, ústinde qara paltosy, basynda qara shapkasy, kózinde úlkendeý kóz áınek kıgen úlken kisi kirip keldi. Biraz entikken eken. Osylaısha, men otyrǵan dıvanǵa jaıǵasty. Aqjarqyn júzdi kisi bolatyn. Jas kezinde tórtinshi qabatqa jyldam kóterilip, júgirip túse beretinin aıtyp ázildep qoıady. Bálkim, bizderdiń jas kelbetimizge qarata aıtqanyn osy kúni túsinýdemin. Ary qaraı tanystyq jalǵasty.
Aǵamyz ol kezderi «Aqıqat» jýrnalynyń bas redaktory edi. Meni árdaıym qoldap, jazýǵa úırete bastady. Árqashan, ulttyq múdde, ulttyq bolmys pen qasterli qazaqy dúnıetanymǵa jaqyn bolý kerektigin aıtatyn. Kabınetine bara qalsańyz, esh qylysmaı, esh yńǵaısyzdanbaı kiretinbiz. Únemi jyly júzimen, aqjarqyn kóńilimen qarsy alatyn. Ol kisiniń qoldaýymen qalamaqyǵa jazyp júrdik. Maqalany, qarap, túzetýden erinbeıdi. Ózi qaraıdy, tekseredi. Sheber jaza bilýdiń joldaryn úıretetin. Naǵyz pedagog dep aıtsaq artyq aıtpaǵan bolar edik. Ár barǵan saıyn, jasynda kórgen qıynshylyǵyn aıtyp, bul kúnderde ótetinin motıvasıa retinde aıtatyn. Shirkin sondaı jaqsy adam bolatyn. Maǵan únemi «Oljas myna dúnıeni jaqsy adamdar ustap turady. Men sol jaqsy adamdardyń jaqsylyǵyn kóp kórdim» deıtin.
Birde jýrnalǵa daıyndaǵan materıalymnyń sýreti bolmaı qalypty. Aǵanyń ózi habarlasyp, nege óz maqalańnyń sońynan izdeıtinimdi aıtyp, biraz telefonnan aıtyńqyrady. Sóıtip sýretti jiberdim. Kóp ótpeı jýrnalǵa shyǵypty. Ózimde redaksıaǵa baryp qaldym. Sondaǵy meniń Amanhan aǵaǵa rıza bolǵanymda shek joq. Men qansha jaspyn. Tájirbıem de joq. Bútkil alty Alashqa aty shyqqan, aqyn aǵa meniń aldymda ótkendegi aıtqany ýaıymdaýshylyq, maǵan jan ashý ekendigin bildirdi. Jaqsy adam. Sondaı rızamyn Amanhan aǵa sizge!
Árbir aıtqan ósıeti, bolashaqqa baılanysty ıgi oılary máńgi jadymyzda turady demekpin.