Almaty qalasynyń bas sanıtarlyq dárigeri Jandarbek Bekshın Óńirlik komýnıkasıalar qyzmetiniń baspasóz konferensıasy barysynda shekteý sharalarynyń nelikten uzarǵanyn túsindirdi dep habarlaıdy almaty-akshamy.kz
Jandarbek Bekshın bul sheshimniń koronavırýstyq ınfeksıasy epıdemıologıalyq ahýalynyń ýshyǵýyna, halyq arasynda «delta» nusqasynyń tez taralýyna jáne klınıkalyq sımptomdary bar naýqastardyń 94%-ǵa deıin ósýine baılanysty uzarǵanyn aıtty.
«Almatyda epıdemıologıalyq jaǵdaıdy turaqtandyrý, ásirese bilim berý mekemelerinde oqytýdy shtatty rejımde uıymdastyrý qajet», - dep túsindirdi Jandarbek Bekshın.
Sondyqtan Almatyda qoldanystaǵy shekteý sharalary 31 tamyzdy qosa, aıdyń sońyna deıin uzartyldy.
Áleýmettik-ekonomıkalyq nysandar «qoıý qyzyl aımaqqa» qoıylatyn talaptarǵa sáıkes jumys isteıdi.
«Ashyq kóshbasshylary» mártebesi bar obektilerge saǵat 00.00-ge deıin jumys isteýge ruqsat etiledi , munda nysan ishiniń kelýshilerge tolýy 10%-ǵa deıin artýy ári medısınalyq qarsylyqtary barlardy qospaǵanda personaldyń 90 paıyzy vaksınalanýy jáne sońǵy 3 aı ishinde aýyryp emdelgenderdiń qatary 20% bolýy tıis. Ashyq jobasynda jumys isteıtin basqa nysandarǵa saǵat 22.00-ge deıin jumys isteýge ruqsat etilgen.
Ashyq-qa qatyspaıtyn menshik nysanyna qaramastan barlyq kásiporyndar men uıymdardyń qyzmetin toqtatý jalǵasa berdi.
QR Bas memlekettik sanıtarlyq dárigeriniń 2021 jylǵy 29 shildedegi №33-qaýlysynyń 9-tarmaǵynyń 4-bóliginde kórsetilgen uıymdar men obektilerden ózge Ashyq jobasyna qatysýshylardyń barlyq kásiporyndary men uıymdary 2021 jyldyń 17-31 tamyzy aralyǵynda senbi, jeksenbi jáne mereke kúnderi jumystaryn toqtatady.
Qala saıabaqtarynda jaı kúnderi, demalys jáne mereke kúnderi, atraksıondar, bólshek saýda jáne qoǵamdyq tamaqtaný oryndarynyń qyzmetterine tyıym salý kúshinde qalady.
Sondaı-aq, Almaty qalasynyń bas sanıtarlyq dárigeriniń qaýlysy boıynsha turaqty medısınalyq qarsy kórsetkishteri bar jáne sońǵy 3 aıda emdelip shyqqandardy qospaǵanda, muǵalimder men tehnıkalyq qyzmetkerlerdi, jataqhanalar men asqanalardyń qyzmetkerlerin vaksınalaýdy aıaqtaý qajet ekendigi kórsetilgen. Medısınalyq qarsy kórsetkishteri bar ári 3 aıda emdelgen naýqastardy qospaǵanda 18 jastan asqan stýdentterge ekpe salýdy aıaqtaý qajet.
Sonymen qatar, Qaýlyda stýdentter kóp jınalatyn jerlerde – asqanalarda, dárethanalarda, demalys oryndarynda aýa resırkýlátorlaryn ornatý boıynsha usynylady; mektepterde bastaýysh, orta jáne joǵary synyp oqýshylary bólek esikterden ishke kirýleri tıis. J. Bekshın barlyq mektepterdiń qyzmetkerleri men oqýshylaryn kún saıyn tańerteńgilik fıltrleýden ótkizýdi usynady.