12 aqpanda Ekologıa jáne tabıǵı resýrstar mınıstri Erlan Nysanbaev májilis alańynda 10 aqpannan bastap Qazaqstanda kıiktiń popýlásıasyn retteý toqtatylǵanyn málimdedi, dep habarlaıdy almaty-akshamy.kz.
Májilis alańynda mınıstr mundaı sheshimniń otandyq ǵalymdar jáne halyqaralyq sarapshylarmen keńesip, talqylaýdan keıin qabyldanǵanyn túsindirdi.
"Qys mezgili bolǵandyqtan dalada kóship-qoný qıynǵa soǵady. Sondyqtan 10 aqpannan bastap aqbókenderdiń sanyn retteýdi toqtattyq”, – dedi Erlan Nysanbaev.
Sondaı-aq ol Qazaqstanda relıkttik bóken popýlásıasy jańadan kóbeıýi boljanǵanyn túsindirdi.
"Byltyrǵy kıik tóliniń sanyn eskere otyryp, bıyl mamyr aıynda muqıat egjeı-tegjeıli sanaq júrgiziledi. Boljam boıynsha, 40% ósti dep aıta alamyn. Jalpy tóldeý kezinde esepke alsaq. Byltyrǵy kıik tóli boıynsha popýlásıa shamamen 2,5-2,6 mıllıon bas bolady. Sonymen qatar kıik tóli boıynsha pesımısik boljamdy alsaq ta – bul 30% bolsa, taǵy da plús shamamen 700–750 myń bas bolady dep kútemiz”, – dedi mınıstr.
Mınıstr 10 aqpannan keıin kıikterdi atý zańsyz ekenin eskertti.