Alda kele jatqan Memleket basshysynyń bastamasymen jasalyp jatqan referendýmǵa búkil halyq qatysýy kerek dep esepteımin jáne qoldaý kerek. Bul referendým el Prezıdenti Qasym-Jomart Toqaev aıtyp júrgen Ekinshi Respýblıka degen uǵymnyń shyn máninde ornatatyn, taǵdyrsheshti, betburysty úlken oqıǵa der edim. Jáne soǵan biz bárimiz belsendi túrde atsalysýymyz kerek.
Kóp jaǵdaıda halyq saılaýǵa barmaı jatady. Osyndaı bir úlken-úlken tańdaýlarda syrt qalyp jatady. Sosyn artynan aıqaı-shý shyǵyp jatady. Bul nege osylaı, nege bulaı degen sıaqty. Bizdiń memleket nege basqa jolmen ketip bara jatyr degen sekildi. Endi memlekettiń ózi múmkindik berip turǵan kezde, bul referendýmǵa bárimiz belsendi túrde qatysýymyz qajet. Jáne ózimizge unaıtyn, ózimiz qalaǵan jáne ózimiz tańdap alǵan baǵytqa qol qoıýymyz kerek dep esepteımin. Menińshe, osy Qańtar oqıǵasynan keıin qoǵamdyq sana múlde ózgerdi. Múldem basqa sanadaǵy, múlde basa túısiktegi ultqa aınaldyq dep esepteımin. Sondyqtan biz referendýmǵa basqa, jańarǵan sana-sezimmen baramyz dep oılaımyn.