2023 jyldyń 17 qazan kúni, 19.00 -de Jambyl atyndaǵy Qazaq memlekettik fılarmonıasynda B. Baıqadamov atyndaǵy Memlekettik hor kapelasynyń qatysýymen Aqan seriniń 180 jyldyǵyna arnalǵan «Balqadısha» án keshi ótedi, dep habarlaıdy Almaty-akshamy.kz.
QR B.Baıqadamov atyndaǵy Memlekettik hor kapelasy Jambyl atyndaǵy Qazaq memlekettik fılarmonıasy quramyna 1935 jyly kirdi. Búgingi tańda kapelanyń repertýary óńdelgen halyq ánderin, úlken formalardy – súıtalardy, óleńderdi, kantatalardy jáne oratorıalardy qamtıdy. Baqytjan Baıqadamov atyndaǵy Memlekettik hor kapelasynyń repertýarynda sheteldik klasıkter men qazaqstandyq kompozıtorlardyń shyǵarmalaryn myqtap engizdi. Kórkemdik-shyǵarmashylyq áleýeti joǵary ujymnyń mundaı baǵdarlamasy kapelaǵa Qazaqstanda jáne sheteldik sahnalarda óner kórsetýge múmkindik berdi. Ujymnyń kórkemdik jetekshisi jáne bas dırıjeri-QR eńbek sińirgen qaıratkeri Beıimbet Demeýov.
Aqan seri, Aqjigit Qoramsauly - aqyn, ánshi, kompozıtor. Aqan seri jas kezinen ónerimen kózge túsip, keıin aqyndyq, ánshilik óneri kemeldengen soń alty alashqa aty málim seri atanǵan. Kóksheniń sulý tabıǵatyna kóz tigip, ony albyrt sezimdi, áserli mýzyka únine bóleıdi. Osy ánshilik ónerde Aqan seri jalǵyz bolmaıdy. Aınalasyna ánshi-kúıshi jastardy jınap, ózgeshe bir ónerli top bolyp el aralaıdy. Aqyn, ánshi serilerdiń bárimen dostasady. Balýan sholaq, Jaıaý Musa, Estaı, Iman Júsip, Qultýma sıaqty ataqty aqyn-ánshiler Aqan seriniń eń jaqyn dostary bolǵan. Olardyń bári Aqan seriniń ánshilik ónerine ıgi áser etken, kompozıtorlyq talantyn jetildirip, sheberlik, sýretkerlik talǵamyn shyńdaı túsken. Ol qazaqtyń ulttyq ónerin professıonaldyq bıikke kóterip, dástúrli ónerdiń klasıkalyq úlgisin jasady. Aqan seriniń elýge jýyq mýz.-poetık. murasy engen. Aqan seri shyǵarmalary poetık. tunyqtyǵymen, obrazdar áleminiń tereńdigimen, poetık. jáne mýz. tiliniń shyraılylyǵymen, aıryqsha talǵampazdyǵymen, naqyshtyq tazalyǵymen erekshelenedi. Shyǵarmalary: Aqan seriniń "Aqtoqty", "Altybasar", "Ter qatqan", "Maqpal", "Balqadısha", "Syrymbet", "Maıda qońyr", t.b. ánderi áıel janynyń sulýlyǵyn jarqyrata kórsetýimen birge, mahabbat qudiretin asqaqtata sýretteýimen de qundy. Aqan seri aqyn-ánshi ǵana emes, sańlaq ańshy, atbegi de. Aqynnyń súıikti dosyna, qımas ómirlik serigine aınalǵan sáıgúligi men qyran qustaryna arnalǵan "Mańmańger", "Qaratorǵaı", "Kókjendet", "Qulager" ánderinde halyq arasynda keńinen taraǵan.
Kórkemdik jetekshisi jáne bas dırıjeri: Qazaqstannyń eńbek sińirgen qaıratkeri Beıimbet Demeýov.
Jeke oryndaýshylar: QR Eńbek sińipgen ártici Ramazan Stamǵazıev, QR Eńbek sińipgen qaıratkeri Aıgúl Qosanova, Mádenıet salasynyń úzdigiMaqpal Qazybekqyzy, Halyqaralyq baıqaýlardyń laýreaty Bipjan Báziljan.