10 qazan kúni Almaty qalalyq sotynda 2022 jyly qańtar oqıǵasy kezinde Almaty áýejaıyn basyp aldy dep aıyptalǵan belsendilerdiń qorǵaýshysynyń apelásıalyq shaǵymy boıynsha sot otyrysy ótti, dep habarlaıdy almaty-akshamy.kz Stan.kz silteme jasap
Jappaı tártipsizdikti uıymdastyrdy dep tanylǵan azamattyq belsendi, jýrnalıs Áıgerim Tileýjanova aýdıo-vıdeo faıldarmen birge 1-den 64-ke deıingi tomdyq istiń de tergeý ızolátoryna jetkizilýin surady. Onyń aıtýynsha, bul kýálardyń aıǵaqtarynda sáıkessizdikti anyqtap, sotqa kórsetý úshin qajet.
"Barlyq kýágerler óz aıǵaqtarynan bas tartty, kópshiligi bul aıǵaqtar tergeýdiń qysymymen berilgenin aıtty. Men olardyń sózderinen qaıshylyqtardy baıqadym. №72 mekemede bul istiń barlyq tomdary joq. Biraq men ony jetkizip berý týraly buryn ótinish bildirgenmin", - dedi Tileýjanova.
Sot aıyptalýshyǵa ızolátordaǵy barlyq jaǵdaımen tanysýǵa 5 kún bar ekenin alǵa tartyp, ótinishten bas tartty.
"Siz osy tomdardy zerdeleý týraly hattamaǵa qol qoıdyńyz. Qolyńyzda otyrystardyń dıskileri bar, sotqa deıingi óndiris materıaldarymen de tanystyńyz", - dedi sýdıa.
Sodan keıin sot isti máni boıynsha qaraýǵa kóshti. Tileýjanovanyń advokaty Aınara Aıdarhanova qorǵaýshy tarap buryn shyǵarylǵan úkimmen tolyq kelispeıtinin alǵa tartty. Ol tergeý jáne sot otyrystary kezinde Qylmystyq-prosestik kodekstiń keıbir buzýshylyqtaryna toqtaldy. Sondaı-aq onyń qorǵaýshysy áýejaıdaǵy oqıǵa qarsańynda arnaıy ýaqytsha ustaý ızolátorynda bolǵanyn jáne qalada ne bolyp jatqanynan habarsyz bolǵanyn jetkizdi.
"Jaýap alý kezinde, ıaǵnı 3 qańtarda ol arnaıy ýaqytsha ustaý ızolátorynda boldy. Óıtkeni buryn 15 táýlikke qamalǵanyn aıtty. Tipti olardy bosatqan soń qalada tótenshe jaǵdaı, mıtıńiler men komendanttyq ýaqyt bolyp jatqanyn eskertpegen", - dedi Aıdarhanova.
Onyń aıtýynsha, Tileýjanova áýejaıǵa jýrnalıs retinde barǵan. Sol kúni ol áýejaıda júrýdiń zańsyz ekenin bilmegen. Sebebi oǵan eshkim bul týraly eskertpegen.
"Meniń qorǵaýshym bılikke nuqsan keltirýdi maqsat etken joq. Tileýjanova sol kúni jýrnalısik qyzmetin oryndady. Sonymen qatar patrıarhaldy qoǵamda 35-40 er adamnyń basyn biriktirip jınaýy múmkin emes. Eshqandaı basyp alý áreketin uıymdastyrǵan joq. Ol kezde áýejaı da ashyq boldy. Munda kýágerlerdiń aıǵaqtary burmalanyp jazylǵan. Jaýap alý kezinde "shabýyldaýshy", "búlikshi", "agressıvti top" degen sózderdiń" jıi qoldanylǵanyna senimdimin. Beınejazbada agressıvti minez-qulyq dáleli joq. Jappaı tártipsizdikter, pogromdar, órt qoıý, qarý qoldaný nemese tártipsizdikter uıymdastyrý faktileri jazbalarda kórsetilmegen. Sondyqtan bul týraly qorytyndylar sotqa deıingi tergeý organdarynyń boljamyna negizdelgen, - dedi qorǵaýshy.
Advokat aldyńǵy sot sheshiminiń kúshin joıyp, sottalýshylardy tolyq aqtaýdy surady. Sot bul máseleni 20 qazanda qaraıdy.