«Qazgıdromet» RMK-sy shildeniń 16-sy, jeksenbige arnalǵan kún raıy boljamyn jarıalady.
Sınoptıkterdiń keltirgen málimetteri boıynsha, búgin atmosferalyq frontaldy bólikterdiń ótýine oraı Qazaqstannyń batysynda, soltústiginde, qıyr shyǵysynda jáne ońtústik - shyǵysynda aýa-raıy qubylmaly bolady. Naqtyraq aıtqanda, jańbyr jaýyp, eldiń batysynda nóser jaýyn jaýady, naızaǵaı oınap, burshaq jaýady, daýyl turady. Al eldiń qalǵan aýmaǵynda kún negizinen jaýyn-shashynsyz bolady. Respýblıka boıynsha jel kúsheıedi dep kútilýde, soltústikte túnde tuman bolady.
Almaty oblysynyń basym bóliginde jáne Ulytaý jáne Jetisý oblystarynda, Shyǵys Qazaqstan, Qostanaı oblystarynyń ońtústiginde, Aqtóbe oblysynyń ońtústik-shyǵysynda jáne Abaı oblysynyń ońtústiginde 35-38°s qatty ystyq kútiledi.
Batys Qazaqstan oblysynyń ońtústik-batysynda órt qaýpi joǵary kútiledi.
Túrkistan, Almaty, Shyǵys Qazaqstan, Pavlodar, Qaraǵandy, Qyzylorda, Jambyl, Mańǵystaý, Aqmola, Soltústik Qazaqstan oblystarynyń, Ulytaý, Abaı, Jetisý oblystarynyń basym bóliginde, Aqtóbe oblysynyń ońtústiginde, ońtústik-shyǵysynda, Qostanaıdyń ońtústiginde, Atyraý oblysynyń batysynda, shyǵysynda tótenshe órt qaýpi kútilýde.