Kórmege tuńǵysh ret qoıylǵan sýretter de bar
Temirtaý qalasyndaǵy tarıhı-ólketaný mýzeıinde uıymdastyrylǵan «Apgreıd» qalalyq sýretshiler kórmesinde kelýshiler nazaryna el táýelsizdigi kezeńinde dúnıege kelgen úzdik jumystar toptamasy usynyldy, dep habarlaıdy Almaty-akshamy.kz Egemen.kz-ke silteme jasap.
Kórmeden oryn alǵan júzden astam shyǵarmashylyq jumystyń arasynda tabıǵı jáne qalalyq peızajdar, túrli-tústi natúrmorttar, grafıkalyq portretter, lınogravúralar, sándik-qoldanbaly óner týyndylary, shaǵyn músindik pishinder, kollajdar, akrıl quıý jáne florıstıka tehnıkasymen salynǵan sýretter boldy.
Keskindeý ónerin qasterleýshilerdiń Aleksandr jáne Nadejda Bolúh, Qýat Asqarov, Haınısa Mustafına, Igor Sataev, Elena Maleskaıa sıaqty tanymal sýretshilerdiń kartınalaryna degen yqylasy zor boldy. Sonymen birge kórmede Ǵazıza Jubanova atyndaǵy óner mektebiniń oqytýshylary men Shahtınsk qalasynyń kórkemsýret mektebiniń pedagogteri usynǵan jumystar da kórmege kelýshilerdiń úlken qyzyǵýshylyǵyn týdyrdy. Bul sýretshilerdiń qatarynda týyndylary tuńǵysh ret kórmege qoıylǵan qylqalam sheberleri de boldy.
