2024 jylǵy 18 sáýirde Qazaqstannyń Ázerbaıjandaǵy Elshiliginde AÓSSHK qyzmetiniń negizgi baǵyttary jáne Ázerbaıjannyń osy uıymǵa aldaǵy tóraǵalyǵy týraly jetekshi ázerbaıjan BAQ ókilderi úshin brıfıń ótti.
Qazaqstannyń Ázerbaıjandaǵy Elshisi Álim Baıel Qazaqstan men Ázerbaıjan jemisti ekijaqty yntymaqtastyqpen qatar AÓSSHK sıaqty kópjaqty alańdarda da tabysty ózara is-qımyl júzege asyrýda ekenin atap ótti. Dıplomat 2020-2024 jyldardaǵy uıymnyń tóraǵasy retinde Qazaqstan tarapynyń tóraǵalyqtyń jaqyn arada baýyrlas Ázerbaıjanǵa ótetinine degen erekshe qanaǵattanýshylyǵyna nazar aýdardy.
AÓSSHK Bas hatshysy Qaırat Sarybaı óz sózinde onyń Bakýǵa saparynyń maqsaty Ázerbaıjannyń 2024-2026 jyldarǵa josparlanǵan AÓSSHK tóraǵalyǵy boıynsha konsýltasıalar ótkizý ekendigin habarlady. Sapar aıasynda ol Ázerbaıjan Prezıdenti Ilham Álıevpen, Syrtqy ister mınıstri Djeıhýn Baıramovpen kelissózder júrgizip, Ázerbaıjannyń basqa da birqatar laýazymdy tulǵalarymen kezdesti. Prezıdent I.Álıev Ázerbaıjannyń qosylmaý qozǵalysy tóraǵalyǵyndaǵy tabysty tájirıbesin AÓSSHK qyzmetin úılestirýde paıdalanatynyn atap ótken.
Baspasóz konferensıasy barysynda Q.Sarybaı AÓSSHK qyzmetiniń negizgi ólshemderi mádenı-gýmanıtarlyq, saýda-ekonomıkalyq, ekologıalyq, áskerı-saıası, azamattyq-quqyqtyq salalar ekendigin aıtty. Bas hatshy AÓSSHK sheńberinde Qazaqstannyń basym mindetterin iske asyrýǵa baǵyttalǵan sońǵy qadamdar týraly aqparat berdi. Olardyń biri – AÓSSHK aıasynda Turaqty ózara baılanys jónindegi keńes qurý týraly bastama. Osy turǵyda ol turaqty logıstıkalyq ınfraqurylym men óńirlik kólik baǵyttaryn qurý, jasyl kólik tehnologıalaryn damytý, klımattyń ózgerýine qarsy kúres, sondaı-aq Kaspıı teńiziniń ekologıalyq problemalaryn sheshý máselelerinde yntymaqtastyqtyń mańyzdylyǵyn atap ótti.
Ázerbaıjannyń uıymǵa aldaǵy tóraǵalyǵyna erekshe nazar aýdara otyryp, Q.Sarybaı Ázerbaıjannyń janjaldan keıingi qalpyna keltirý máselesindegi tájirıbesine erekshe nazar aýdardy. «AÓSSHK tipti bir-birimen dıplomatıalyq qarym-qatynasy joq elderdi biriktirip, osylaısha jaqsy dıalog alańy bolyp otyr. Ázerbaıjannyń aldaǵy tóraǵalyǵy AÓSSHK damýyna óz úlesin qosady dep senemin», – dep aıtty Bas hatshy.