2024 jyldyń 16-20 sáýir aralyǵynda Abaı ýnıversıtetinde Qazaqstan, Reseı, Qytaı, Qyrǵyzstan jáne Túrkıa ókilderiniń qatysýymen «Jaratylystanýdaǵy keri jáne qısyndy emes esepter jáne jasandy ıntellekt» Eýrazıalyq ǵylymı konferensıasy ótti, dep habarlaıdy Almaty-akshamy.kz.
Konferensıanyń uıymdastyrýshylary - Abaı atyndaǵy Qazaq ulttyq pedagogıkalyq ýnıversıteti, QR Ulttyq ınjenerlik akademıasy, ǴJBM ǴK Matematıka jáne matematıkalyq modeldeý ınstıtýty, «Halyqaralyq keri esepter qory» qoǵamdyq qory, Akademgorodoktaǵy Matematıkalyq ortalyǵy, RF Reseı ulttyq ındýstıaldyq jáne qoldanbaly matematıka komıteti.
Halyqaralyq baǵdarlama komıtetiniń qosalqy tóraǵalary: QR UǴA akademıgi Jumaǵulov B.T. - Túrki álemi matematıkalyq qoǵamynyń prezıdenti, Qazaqstan matematıkalyq qoǵamynyń prezıdenti, Qazaqstan Respýblıkasy Ulttyq ınjenerlik akademıasynyń prezıdenti jáne RǴA korespondent múshesi Kabanıhın S.I. - RǴA SB S.L. Sobolev atyndaǵy Matematıka ınstıtýtynyń Halyqaralyq matematıkalyq ortalyǵynyń dırektory (Reseı).
Halyqaralyq baǵdarlama komıteti músheleriniń qatarynda Qazaqstan Respýblıkasy Ulttyq ǵylym akademıasynyń akademıkteri M.O. Ótelbaev, T.Sh. Kalmenov, M.N. Kalımoldaev, Reseı ǵylym akademıasynyń akademıkteri B.N. Chetverýshkın, E.E. Tyrtyshnıkov, A.L. Semenov, A.A. Shananın, M.P. Fedorýk, profesorlar Znang Ye (Shenzhen MSU-BIT University, Shenzhen, China), Alemdar Hasanoglu (Izmir, Turkey), Abit Asanov (Manas University, Bishkek, Kyrgyzstan), Abdygani Satybaev (Osh University, Osh, Kyrgyzstan), sondaı-aq Qazaqstannyń keri esepter mamandary: Bektemesov M.Á. - MMM kafedrasynyń profesory, Halyqaralyq baǵdarlamalar komıtetiniń tóraǵasynyń orynbasary, Abdıev K.S. p.ǵ.d., profesor, «Týran» Ýnıversıteti, Iskakov K.T. - f.-m.ǵ.d., L. Gýmılev atyndaǵy EUÝ profesory, Bakanov G.B. - f.-m.ǵ.d., A. Iassaýı at. HQTÝ profesory, Nýrseıtov D.B. - f.-m.ǵ.k., KMG Injınırıń, Bektemesov J.M. - PhD, MKM kafedrasynyń meńgerýshisi, al-Farabı atyndaǵy KazUÝ, Kasenov S.E. - PhD, qaýymdastyrylǵan profesor, al-Farabı at. KazUÝ - Halyqaralyq baǵdarlamalar komıtetiniń ǵylym hatshysy, Alımova A.N. - PhD, KMG Injınırıń; Reseıden I.V. Marchýk (MMF NMÝ dekany), M.A. Shıshlenın (RǴA SB S.L. Sobolev atyndaǵy Matematıka ınstıtýtynyń dırektorynyń ǵylym jónindegi orynbasary), O.I. Krıvorotko ( RǴA SB S.L. Sobolev atyndaǵy Matematıka ınstıtýtynyń Halyqaralyq matematıka ortalyǵynyń ǵylymı-zertteý bóliminiń bastyǵy).
Konferensıaǵa qatysýshylardyń baıandamalary teorıanyń ózekti máselelerine jáne jaratylystaný jáne mashınalyq oqytýdaǵy keri esepterdi sheshýdiń sıfrlyq ádisterine arnaldy. Reseıdiń ónerkásiptik jáne qoldanbaly matematıka jónindegi ulttyq komıtetiniń tóraǵasy, Reseı ǵylym akademıasynyń akademıgi E.E. Tyrtyshnıkov qısyndy emes esepterdiń qısyndy qoıylymy týraly aıtady. UǴA akademıgi T.Sh. Qalmenov óziniń baıandamasynda gıperbolalyq Gellerstedt teńdeýi úshin artyq anyqtalǵan Koshı esebiniń sheshilý krıterııin usyndy. RǴA korespondent múshesi S.I. Kabanıhın syzyqty emes keri esepterdi regýlárızasıalaýdyń syzyqtyq ádisteri týraly aıtty. Profesor Chjan Ie keri jáne qısyndy emes esepterdiń jalpylanǵan asımptotıkalyq regýlárızasıasy týraly baıandama jasady. Bul esepterdiń barlyǵy mashınalyq oqytý máselelerimen tikeleı baılanysty, olarda oqytý úlgilerin eskere otyryp, qajetti neırondyq jeliniń ońtaıly salmaǵyn tabý qajet (tıptik keri problema), bul esepteýlerdi birshama ońtaılandyrýǵa jáne jaratylystaný máselelerinde jasandy ıntellekt qoldaný tıimdiligin arttyrýǵa múmkindik beredi.
Konferensıada talqylanǵan baıandama taqyryptary ǵalamnyń barlyq: ekologıa, ekonomıka, epıdemıologıa, áleýmettik prosester, jer jáne tirshilik týraly ǵylymdar, neırondyq jeliler jáne jasandy ıntellekttiń matematıkalyq máseleleri salasyndaǵy mańyzdy máselelerin qamtydy.