Samıt barysynda birqatar qujat qabyldandy.
Búgin Astanadaǵy Azıadaǵy ózara is-qımyl jáne senim sharalary jónindegi keńes samıtinde birqatar qujat qabyldandy, dep habarlaıdy Almaty-akshamy.kz QazAqparatqa silteme jasap.
Samıt aıasynda AÓSSHK-ge múshe memleketterden bekitý úshin tıisti qujattar usynyldy.
«AÓSSHK-niń transformasıasyna qatysty qujattardy qabyldaý turǵysynda qandaı da bir qarsylyq bar ma? Qarsylyq joq. Onda AÓSSHK-niń transformasıasy týraly Astana málimdemesi qabyldandy dep sanalady», - dedi Qazaqstan Prezıdenti Qasym-Jomart Toqaev samıt barysynda.
Qabyldanǵan kelesi qujat qaýipsizdik jáne aqparattyq-kommýnıkasıalyq tehnologıalardy paıdalaný salasyndaǵy yntymaqtastyq týraly AÓSSHK kóshbasshylary málimdemesiniń jobasy boldy.
Osy oraıda Qazaqstan Prezıdenti aqparattyq-kommýnıkasıalyq tehnologıalardy paıdalanýda elder arasyndaǵy yntymaqtastyqty keńeıtý men qaýipsizdikti qamtamasyz etý qadamdaryna erekshe nazar aýdarylatynyn aıtty.
Munymen qosa, samıt barysynda AÓSSHK qoryn qurýǵa qatysty qujat qabyldandy.
Bul turǵyda Qazaqstan Prezıdenti AÓSSHK qory qujatynyń bekitilýi men AÓSSHK jobalaryn anyqtaý men iske asyrýdyń arnaıy tetiginiń aıqyndalýyna oraı óz quttyqtaýyn jetkizdi.
Budan bólek, BUU Qaýipsizdiń Keńesiniń terorızmge qarsy rezolúsıasyn júzege asyrý úshin AÓSSHK-niń is-qımyl jospary qabyldandy.