Sybaılas jemqorlyqqa qarsy qyzmet Týrızm jáne sport mınıstrligimen birlesip sportty qarjylandyrý salasyndaǵy jemqorlyq táýekelderine syrtqy taldaý júrgizdi, dep habarlaıdy aqshamnews.kz.
Nátıjeler otandyq sporttyń damýyna jáne álemdik sport arenasynda joǵary kórsetkishterge qol jetkizýge kedergi keltiretin júıeli jemqorlyq táýekelderiniń bar ekendigin aıǵaqtaıdy.
Tek sońǵy 6 jylda sport salasyn qarjylandyrý shamamen 1,4 trıllıon teńgeni quraǵan. Atap aıtqanda 2018 jyly – 165 mlrd teńge, 2019 jyly – 204 mlrd teńge, 2020 jyly – 177 mlrd teńge, 2021 jyly – 223 mlrd teńge, 2022 jyly – 296 mlrd teńge, 2023 jyly – 340 mlrd teńge bólingen.
Búdjetten aǵymdaǵy jáne aldaǵy eki jylǵa taǵy 1,3 trıllıon teńge bólý josparlanǵan.
Salystyrmaly túrde alatyn bolsaq, qazaqstandyq sportqa Kanada, Norvegıa, Nıderlandy sıaqty Ortalyq Azıa jáne alys shet elderdiń búdjetterinen birneshe ese artyq.
Sonymen qatar, Qazaqstan Olımpıada oıyndary boıynsha medaldyq esepte tómengi oryndarda. Arsyna barmaı-aq, keshegi Parıj Olımpıadasynyń nátıjesi aıtsaq ta bolady.
Joǵary nátıjege qol jetkizýge sala ishindegi jemqorlyq, qarjyny tıimdi paıdala almaý sekildi áreketter kedergi keltirýde.
Basty kemshilik - otandyq sportty damytýdyń qoldanystaǵy saıasaty otandyq sportshylardy tıimdi daıarlaýǵa baǵyttalmaǵan.
Sheteldik oıynshylardy natýralızasıalaý arqyly qol jetkizilgen qysqa merzimdi jetistikterge nazar aýdarylady, al jeke sporttyq kadrlardy damytý boıynsha júıeli jumys óz deńgeıinde júrgizilmegen.
Qazaqstan olımpıadalyq sport túrlerine 126 sheteldikti satyp alǵan. Olardyń árqaısysy keıinnen óz eline qaıtqan.
Kóbinese óz talanttaryn tárbıeleýdiń ornyna aqsha basqa elderdiń oıynshylaryna jumsalady. Bul sportty qarjylandyrýdaǵy aıqyn teńgerimsizdikpen rastalady.
Máselen, Qazaqstannyń buqaralyq sportqa jumsaǵan shyǵystary joǵary jetistikter sportyna qaraǵanda 9 ese az (35 mlrd teńgege qarsy 340 mlrd teńge).
Sportta neǵurlym tabysty shet elderde joǵary jetistikter sportynyń negizi bolyp tabylatyn buqaralyq sportty qoldaýǵa basymdyq beriledi.
Nıderlandymen salystyrǵanda Qazaqstan joǵary jetistikter sportyna 3 ese kóp, al buqaralyq sportqa 7 ese az jumsaıdy.
Negizinen formaldylyqqa basymdyq berilip kelgen. Qazaqstan Respýblıkasynyń dene shynyqtyrý men sportty damytýdyń 2023 – 2029 jyldarǵa arnalǵan tujyrymdamasyna engizilgen buqaralyq sport túrlerin damytý kórsetkishteri formaldy bolyp qala bergen.
Mysaly, ákimdikter jyl saıyn 20 myńnan astam sporttyq-buqaralyq is-shara, kúnine orta eseppen 3 is-shara ótkizýi tıis.
Sporttyq ǵımarattar men nysandarda, sondaı-aq ashyq jerlerde ótkiziletin is-sharalar osy is-sharalarda eki júz jáne odan da kóp kórermenniń bir mezgilde bolýyn boljaıtynyn eskere otyryp, kórsetkish anyq kóterilgen («Dene shynyqtyrý týraly» Zańnyń 1-babynyń 40-1-tarmaǵy).
Kedergilerdiń negizgisi bulyńǵyrlyq. Túsinikti bolý úshin aıtsaq, joǵary jetistikter sportynda basym sport túrleriniń bolmaýyna baılanysty tanymal emes jáne nátıjesiz sport túrleri qarjylandyrylady. 2023 jyly sporttyń 31 túrinen birde-bir medal joq. 2024 jyly qarjylandyrylatyn baǵyttardyń sany 141 túrge deıin ósken.
Máselen, jazǵy olımpıadalyq sport túrleri boıynsha Qazaqstan 44 túrdi, qysqy sport túrleri boıynsha – 13 túrdi damytady. Joǵary jetistikter sportynyń qarjylandyrylatyn baǵyttarynyń shamamen 60%-y Olımpıadalyq emes baǵyttarǵa jatady - 84 (141-den). Jyl saıyn bul túrlerdi damytýǵa – 18 mlrd teńge jumsalady (2023 jyly olımpıadalyq túrlerge – 296 mlrd teńge, olımpıadalyq emes túrlerge - 18, ózge shyǵystarǵa - 11 mlrd teńge).
Shetelde sporttyń «núktelik» baǵyttaryna basymdyq beriledi (Ulybrıtanıada jazǵy Olımpıada oıyndarynyń 19 túri, Germanıada – 18, Avstralıada – 12).