Qaza tapqan qūtqarushynyń otbasyna Qaraǵandy oblysynyń basshylyǵy baryp, kóńíl aıtty. Qaza tapqan órt sóndírushíníń otbasyna barlyq qajettí kómek pen qoldau kórsetílude. Qazír qaraly úıde feldsherlík jáne psıhologıyalyq kómek ūıymdastyrylǵan.
6 qazanda Qaraǵandy oblysynda Qarqaraly audanyndaǵy dala órtín sóndíru barysynda óz qyzmettík míndetín atqaru kezínde 24-órt sóndíru bólímíníń aǵa órt sóndírushí-qūtqarushysy 1991 jyly tuǵan Halı Haırat qaza tapty.
Serjant azamattyq qorǵau organdarynda 2014 jyldan bastap jūmys ístegen.
Oqıǵanyń mán-jaıy anyqtaluda. Sotqa deıíngí tergeu bastaldy.
Vedomstvonyń Apattar medıtsınasy ortalyǵynyń psıhologtary qaıtys bolǵan qyzmetkerdíń tuystaryna qajettí psıhologıyalyq kómek kórsetude.
Qazaqstan Respublıkasy Tótenshe jaǵdaılar mınıstrlígí órt sóndírushíníń tuystary men jaqyndaryna kóńíl aıtady!
TJM qaza tapqan órt sóndírushíníń otbasyna jan-jaqty kómek pen qoldau kórsetedí.
Esteríńízge sala keteıík būǵan deıín elímízdíń ekí aımaǵynda órt shyqqanyn habarlaǵan bolatynbyz.