Arman Tileýkenov habarlaǵandaı, áleýmettik jelilerde "QazaqGaz" AQ qyzmetkerleri men basshylyǵyn Sybaılas jemqorlyqqa qarsy qyzmet ustaǵany týraly aqparat paıda boldy. Antıkor spıkeri bul aqparat múlde durys emes ekenin atap ótti: departament tergeý júrgizip jatyr, biraq áli eshkim ustalǵan joq.
"Vedimistik baǵynysty uıymdardyń qyzmetkerleriniń ókilettigin asyra paıdalanýy múmkin faktisi boıynsha sotqa deıingi tergep-tekserý amaldary júrgizilýde. İstiń mán-jaıy boıynsha tergeýdiń obektıvtiligi men jan-jaqtylyǵyn qamtamasyz etý maqsatynda jedel-izdestirý sharalary júrgizildi. Bul is boıynsha eshkim ustalǵan joq. Qazirgi ýaqytta eshkimge aıyp taǵylǵan joq", -dedi Arman Tileýkenov
Antıkordyń resmı ókiliniń aıtýynsha, tergeý múddesine saı basqa aqparat jarıa etilmeıdi.
Qazan aıynyń sońynda Antıkor burynǵy ádilet mınıstri Marat Beketaevtyń bıligin asyra paıdalandy degen aıyppen ustalǵanyn rastady.