Búginde 20 myńnan astam adam kýrstan sátti ótti.
Kýrs baǵdarlamasy 3 modýlden jáne 10 jeke taqyryptan turady, dep habarlaıdy Almaty-akshamy.kz
Sybaılas jemqorlyqqa qarsy qyzmet qoǵamda jemqorlyqqa qarsy mádenıetti qalyptastyrý sheńberinde «Documentolog Global Limited» kompanıasymen jáne M.S. Nárikbaev atyndaǵy QazGZÝ ýnıversıtetimen birlese memlekettik qyzmetkerlerge arnalǵan jemqorlyqqa qarsy onlaın oqý kýrsyn ázirledi.
Kýrstyń maqsaty – jemqorlyqqa múldem tózbeýshilikti qalyptastyrý, sondaı-aq memlekettik qyzmetkerlerdi jemqorlyq tájirıbeleri, olardyń saldary jáne aldyn alý ádistemeleri týraly júıeli bilimmen qamtamasyz etý.
Bul kýrs «Documentolog» aqparattyq júıesinde ótedi. Ol osy platformaǵa qol jetkize alatyn barlyq memlekettik qyzmetkerlerdi qamtýǵa múmkindik beredi.
«Documentolog» AJ – bul memlekettik qyzmetkerler, sondaı-aq kvazımemlekettik jáne jeke sektor sýbektileriniń qyzmetkerleri kúndelikti paıdalanatyn elektrondyq qujat aınalymy júıesi.
Kýrs baǵdarlamasy 3 modýlden jáne 10 jeke taqyryptan turady. Oqý materıaldary sqemalar, jadynamalar jáne ınteraktıvti prezentasıalar formatynda qysqasha mátindik baıandamalar túrinde usynylǵan.
Kýrs zańdar men normatıvterdi túsinýdi, jemqorlyqqa qarsy minez-qulyqty engizýdi, quraldardy meńgerýdi qamtıtyn jemqorlyqqa qarsy normalar men minez-qulyqtardy oqytýǵa tutas kózqarasty usynady.
Sonymen qatar, qazir memlekettik qyzmetkerlerdi jemqorlyqqa qarsy oqytý jyl saıyn 10 myńǵa jýyq memlekettik qyzmetkerdi qamtı otyryp, QR Prezıdenti janyndaǵy Memlekettik basqarý akademıasynyń bazasynda qaıta daıarlaý jáne biliktiligin arttyrý sheńberinde júrgiziledi.
Agenttik ázirlegen onlaın kýrs barlyq memlekettik qyzmetkerlerdi jumys prosesterinen qol úzbeı, jemqorlyqqa qarsy bilimmen ýaqtyly qamtýǵa múmkindik beredi. Aldaǵy ýaqytta bul kýrsty ulttyq kompanıalarda, kvazımemlekettik jáne jeke uıymdarda taratý josparlanyp otyr.