Aq aıý Pragadan ákelingen.
Endi Praga haıýanattar baǵy jan-jaqty tergeý júrgizýdi talap etip otyr, dep habarlaıdy Almaty-akshamy.kz
Almaty haıýanattar baǵyna naýryz aıynyń sońynda Pragadan ákelingen aıý 4 mamyrda kenetten ólip qaldy.
"Tomnyń ólgeni týraly Praga haıýanattar baǵyna 18 kúnnen keıin habarlandy", - deıdi mekemeniń dırektory Mıroslav Bobek.
Praga haıýanattar baǵyna joldanǵan habarlamada ólimge mańdaı jáne muryn qýystarynyń sozylmaly ydyraıtyn qabynýy saldarynan aǵzanyń ýlanýy sebep bolǵany aıtylǵan.
Bobek jyrtqysh Qazaqstanǵa jóneltilgen kezde sap-saý bolǵanyn málimdedi, al Almaty haıýanattar baǵy kerisinshe aıtyp otyr.
Dırektor muqıat tergeý júrgizýdi talap etti, sonymen qatar ol Eýropa haıýanattar baǵy men akvarıýmdar qaýymdastyǵyna jáne Chehıanyń Qazaqstandaǵy elshiligine habarlaspaqshy.