Mamandar qazir bul týraly aıtý qıyn ekenin aıtty.
Antıkor mamandary Tuńǵysh Prezıdenttiń týystaryna qatysty materıaldy jınap jatyr ma? Bul suraqqa jaýapty Sybaılas jemqorlyq agenttigi tóraǵasynyń orynbasary Ulan Sarqulov berdi, dep habarlaıdy Almaty-akshamy.kz Baq.kz silteme jasap.
Kelesi jyldyń basynda Tuńǵysh Prezıdent pen onyń týystaryna qatysty zańnyń kúshi joıylatyny belgili. «Antıkor Tuńǵysh Prezıdenttiń týystaryna qatysty materıaldy jınap jatyr ma?» degen suraqqa jaýap berdi.
«Qazir bul týraly aıtý qıyn. Zańnamalyq normalar bar ekenin túsiný kerek. Dálelder bolýy qajet. Barlyq másele quqyqtyq óriste sheshiledi. Barlyǵy osyny túsingeni durys», - dep atap ótti agenttik tóraǵasynyń orynbasary Senattyń jalpy otyrysynan keıin kýlýarda jýrnalıserge bergen suhbatynda.
Sondaı-aq aldaǵy ýaqytta olar (Elbasynyń týystary – red.) jaýapkershilikke tartylýy múmkin be degen suraqqa toqtaldy.
«Dálelder bazasy bolýy tıis. Múmkin be, joq pa, ol týraly eshteńe aıta almaımyn. Iá, barlyq azamattar sekildi, olardy da (jaýapqa) tartýy múmkin», - dedi Ulan Sarqulov.