Belgili ánshi, kompozıtor ári prodúser Búrkit (shyn aty – Aıbek Janseıitov) otbasylyq ómirinde taǵy bir qýanyshty jańalyqpen bólisti. Óner ıesi óziniń Instagram paraqshasynda tórtinshi ret áke atanǵanyn qýana habarlady. Bul joly súıikti jubaıy Aısha (Dınara Baqtybaevamen) birge olar qyzdy boldy. Bul týraly Aqshamnews.kz saıty habarlaıdy.
«Al, qazaq eli, súıinshi! Qyzdy boldym!» – dep jazdy Búrkit áleýmettik jelide. Jeli qoldanýshylary men ónerdegi áriptesteri jańa týǵan nárestege aq tilekterin jaýdyryp, otbasyna baqyt tiledi.
Aıta keteıik, Búrkit pen Aısha 2010 jyldan beri otbasyl. Bul – olardyń tórtinshi perzenti. Ánshiniń jazbasynan-aq kópten kútken qýanysh ekenin ańǵarýǵa bolady. «Qyz bala – úıdiń gúli» degen qazaqy uǵymdy ardaq tutatyn el úshin bul jańalyq erekshe jylylyqpen qabyldandy.
Búrkittiń jazbasyna myńdaǵan laık pen pikir qaldyrylyp, «Alla aman ósirsin», «Qýanyshty bóliskenińizge raqmet», «Baýy berik bolsyn» degen tilekter jazyldy. Elge tanymal tulǵalar – Qaırat Nurtas, Tóreǵalı Tóreáli, Erke Esmahan syndy áriptesteri de shyn júrekten quttyqtaýlaryn bildirdi.
Búrkit pen Aısha qazaq estradasynda jup bolyp óner kórsetip kele jatqan tanymal tulǵalar. Olar birqatar hıt ánder men beınebaıandarymen kórermen júreginen erekshe oryn alǵan. Sonymen qatar Búrkit birneshe kıno jobalardyń rejıseri ári prodúseri retinde de tanymal. Bul januıanyń óner men otbasyn qatar alyp júrýi – jastar úshin úlgi bolarlyq.