Komýnaldyq qyzmetter kúsheıtilgen rejımge aýystyryldy
«Qazgıdromet» RMK málimetinshe, 17-nen 18 mamyrǵa qaraǵan túni Almatyda aýyspaly bultty aýa raıy kútiledi, jaýyn-shashynsyz. Aýa temperatýrasy túnde +23…+25°S shamasynda bolady. 18 mamyr kúni saǵat 13:00-den bastap táýlik sońyna deıin naızaǵaımen jáne burshaqpen birge qatty nóser jańbyr jaýady dep boljanýda. Jaýyn-shashyn mólsheri 20 mm-ge deıin jetýi múmkin. Jel batystan, soltústik-batystan 3–8 m/s, naızaǵaı kezinde ekpini 18–23 m/s deıin jetedi, dep habarlaıdy aqshamnews.kz Almaty qalasy Komýnaldyq ınfraqurylymdy damytý basqarmasyna silteme jasap.
19 mamyrda da aýyspaly bultty aýa raıy saqtalady. Túnde saǵat 05:00-ge deıin jańbyr jaýýy múmkin, kúndiz jaýyn-shashynsyz. Aýa temperatýrasy túnde +13…+15°S, kúndiz +20…+22°S. Jel ońtústik-batystan 3–8 m/s.
Qalanyń komýnaldyq qyzmetteri kúsheıtilgen rejımge aýystyryldy. Túngi ýaqytta 366 arnaıy tehnıka birligi men 355 jol jumysshysy jumyldyrylǵan. Al 18 mamyr kúndizgi kezeńde yqtımal sý basýlardyń aldyn alý jáne joıý maqsatynda 515 tehnıka birligi, 27 motopompa jáne 755 jumysshy qala kóshelerine shyǵady.
Sonymen qatar, motopompalarmen jáne kúrek-synalarmen jabdyqtalǵan 42 jedel brıgada daıyndyq rejıminde jumys isteıdi.
Aryq jelileri men jaýyn sýyn qabyldaıtyn tuzaqtardy tazalaý jáne baqylaý jumystaryna erekshe kóńil bólinýde. Qaladaǵy problemalyq ýchaskelerde táýlik boıy tazalaý jumystary júrgizilýde.
Almaty qalasy qutqarý qyzmeti (SHJQ «Almaty qalasynyń qutqarý qyzmeti» MKK) tarapynan 15 tehnıka birligi men 50 qyzmetker, al TJD tarapynan 55 tehnıka birligi men 245 maman kezekshilikke shyqty.