Án dodasy onlaın formatta ótip jatyr
Bıyl halyqaralyq ABU TV Song Festival án festıvaline Qazaqstannyń atynan «Slaván bazary» baıqaýynyń jeńimpazy, «Ámire» degen laqap atymen tanymal bolǵan ánshi Ernar Sadyrbaev qatysýda, dep habarlaıdy Almaty-akshamy.kz
Joba «Habar» Agenttigi múshe bolyp tabylatyn Azıa-Tynyq muhıty habar taratý Keńesiniń Bas Assambleıasy aıasynda búgin, 18 qarasha kúni, onlaın-formatta ótip jatyr. Festıválge 12 eldiń ókili qatysýda. 2019 jyly Japonıada ótken ABU TV Song Festival án festıvaline Dımash Qudaıbergen qatysyp, óz ónerimen kópshilikti tamsandyrǵan bolatyn. Ámireniń halyqaralyq án festıvalinde tanystyratyn «Ómir - teńiz» ániniń jańa beınebaıany álemge aty shyqqan Sharyn shatqalynda túsirildi. Týyndynyń konsepsıasy óziniń tereń maǵynasy men fılosofıalyq máni jaǵynan kórermenge oı salary anyq.
«Mundaǵy rejıserdiń oıy ol qazirgi kezdegi indetpen adamnyń qıyn sátteri. Kez-kelgen adam qıyn sátterde ózgemen emes, ózimen-ózi kúresedi. Arpalys kezinde bireýler qıyndyqqa tóze almaı jatsa, endi biri kersinshe barlyǵyn jeńip shyǵady. Basty keıipkerimiz óziniń jigerliginiń, eńbekqorlyǵynyń arqasynda indet pen qıyndyqtardy artta qaldyryp joǵary shyǵady», - dedi joba prodússeri Baqytgúl Tórehan.