Almaty jurtshylyǵy jıý-jıtsýdan álem chempıonatynyń jeńimpazdary men júldegerlerin Almaty halyqaralyq áýejaıynan kútip aldy
Kelgenderdiń arasynda qola júldeger Raıymbek Erjan, eki altyn medal ıegeri Nuraı Altynbek jáne qazirgi birinshiliktiń bas juldyzy, tórt dúrkin álem chempıony Jibek Qulymbetova bar. Áýejaıǵa jınalǵan qala turǵyndary sportshylardy ádettegideı qazaqy dástúrmen shashý shashyp, saltanatty túrde qarsy aldy. Olardyń arasynda jergilikti sport basqarmasynyń ókilderi men «Januıa» balalar úıiniń tárbıelenýshileri jáne júldegerlerdiń týystary da bar.
– Álem chempıony atanyp jatqan qyzdar men jigitter bizdiń mekteptiń oqýshylary. 2021 jyldyń qyrkúıek aıynan bastap mektebimizde jıý-jıtsýdan arnaıy bólimshe ashylǵan. Qazirgi ýaqytta 4 birdeı jattyqtyrýshy balalarmen jumys isteıdi. Bul ýaqytqa deıin olar jıý-jıtsý federasıasynda jattyǵyp kelgen edi. Búgingi kúni jastardyń basym kópshiligi sportqa qyzyǵyp, júldeli oryndardan kórinýde. Qazaq eliniń Kók týyn kókte jelbiretip júrgen ór ulandarymyzdyń sany kóbeıe bersin, – deıdi №4 mamandandyrylǵan balalar men jasóspirimder sport mektebiniń dırektory Nurbolat Ysqaqov.
Sportshylardyń arasyndaǵy 14 jastaǵy Jibek Qulymbetova Ne-Vaza týrnırinde Birikken Arab Ámirligi men Taıland jáne Reseı sportshylarynan basym túsip, úsh dúrkin álem chempıony atanǵan bolatyn. Keıin jasyl belbeý ıegerleri arasynda «Abu Dhabi World Jiu-Jitsu Championchip» saıysynda da baq synap, álem chempıonatyn 4-márte utty.
«Qarsylastarymnyń barlyǵy osal bolmady. Biraq men olardy jeńip shyǵýǵa barymdy saldym. Osy jetistikke jetý úshin uzaq ýaqyt eńbektendim. Endigi josparym – aldaǵy jarystarǵa myqty daıyndalyp, taǵy da álem chempıony ataný. Budan da bıik belesterge jetip, elimizdiń atyn álemge tanytý», – deıdi Jibek Qulymbetova.
Sportshylardyń arasynda álem chempıonatyna alǵash ret qatysyp jatqandar da bar. Olardyń biri 14 jastaǵy sportshy Nuraı Altynbek jıý-jıtsýmen 9 aı aınalysqan. Az ýaqyttyń ishinde jaqsy nátıjege qol jetkizip, álem chempıonatynyń eki altynyn enshilegen. Jalpy álem chempıonatynyń Ne-Vaza 1-týrnırinde jıý-jıtsýdan Qazaqstan quramasy 56 medal jeńip alyp, jalpykomandalyq esepte úzdik úshtikke endi, onyń 11-i álem chemıony atandy. Al ekinshi «Abu Dhabi World Jiu-Jitsu Championchip» saıysy áli jalǵasyn tabýda.
Ekinshi álem chempıonaty óte tartysty ótti, sebebi qarsylastar myqty boldy. Alaıda, Jibek óziniń aılasyn asyryp, upaı sanymen utyp ketti. Búgingi kúni bizder «Baqytty bolashaq» qaıyrymdylyq qorymen birlese otyryp, «Januıa» balalar úıiniń 20 tárbıelenýshisin tegin jattyqtyryp kelemiz. Aldaǵy ýaqytta da jetkinshekterden úlken úmit kútemiz, – deıdi «Sagadat batyr – QTT» klýbynyń bas bapkeri Nursultan Orynbasarov.
