Saltanatty sharaǵa Májilis tóraǵasy Erlan Qoshanov pen Túrkıa Ulttyq Májilisiniń basshysy Mustafa Shentop qatysty.
14 myń sharshy metr bolatyn otbasylyq saıabaqtyń ashylýy Túrkıanyń 100 jyldyǵymen tuspa-tus kelip otyr, dep habarlaıdy Almaty-akshamy.kz Qazaqstan.tv-ǵa silteme jasap.
Májilis tóraǵasy barsha túrik halqyn osy mereıli merekemen quttyqtap, baq-bereke tiledi. Jańa saıabaq mádenıeti men tarıhy ortaq eki eldiń yntymaǵynyń sımvoly ekenin atap ótti. Munda túrki jurtyna ortaq Kúltegin, Bilge Qaǵan, Tonykók jazba eskertkishteriniń kóshirmelerimen qatar qazaqtyń uly aqyny Abaı Qunanbaıulynyń músini men ǵulama ǵalym Ál-Farabıdiń eskertkishteri de ornatylǵan.
«Kúnnen kúnge, jyldan jylǵa bizdiń dostyǵymyz nyǵaıyp kele jatyr. Onyń nyǵaıýyna úlken yqpal etip otyrǵan bizdiń memleketterimizdiń basshylary Qasym-Jomart Toqaev pen Rejep Taııp Erdoǵan myrzalar. Bizde Qazaqta aıtady «Aǵash tamyrymen myqty, adam dostarymen myqty» degen sóz bar. Sizder sıaqty dostarymyzben myqtymyz. Sol dostyqtyń bir kórinisi myna saıabaqtyń ashylýy», - deıdi QR Parlamenti Májilisiniń tóraǵasy Erlan Qoshanov.
Sapar barysynda Májilis tóraǵasy Erlan Qoshanov túrkıalyq áriptesi Mustafa Shentoppen ekijaqty kezdesý ótkizdi. Aldymen Túrkıada bolǵan joıqyn jer silkinisi qazaq halqynyń qabyrǵasyn qaıystyrǵanyna toqtalyp, kóńil aıtty. Prezıdent Qasym-Jomart Toqaevtyń tapsyrmasymen jer silkingen oblystarda áleýmettik ǵımarattardyń qurylysy josparlanyp otyrǵanyn atap ótti. Kezdesý sońynda taraptar yntymaqtastyq týraly hattamaǵa qol qoıdy.