Elimizde qos mereke – Analar jáne Ákeler kúni meıramdary bekitilmek. Bul týraly «Ashyq» NQA portalynda jarıalanǵan Úkimet qaýlysynyń jobasynda jazylǵan, dep habarlaıdy QazAqparat tilshisi.
Qujatta Analar kúnin – mamyrdyń ekinshi jeksenbisine, Ákeler kúnin maýsymnyń úshinshi jeksenbisine belgileý usynylǵan.
Qaýly túsindirmesinde atalǵan merekelik kúnderdi bekitý elimizdegi otbasy ınstıtýtyn nyǵaıtýǵa yqpal etetini jazylǵan.
«Merekelik kúnderdiń tizbesine «Analar kúni» jáne «Ákeler kúni» merekelerin engizý Qazaqstandaǵy otbasylyq qundylyqtardy ilgeriletýge, otbasy ınstıtýtyn nyǵaıtýǵa, sondaı-aq ákeler ınstıtýtyn damytýǵa yqpal etedi», - dep túsindirme berilgen qaýly-jobasyna.
Qujat 5 sáýirge deıin kópshilik talqylaýda bolady.