Almatyda Shoqan Ýálıhanov atyndaǵy alańda analarǵa arnalǵan mıtıń-konsert ótti.
İs-shara Halyqaralyq áıelder kúnine oraı ótti, oǵan 700-deı adam qatysty. Mıtıńti «Eriktiler lıgasy» qoǵamdyq qory men «Qazaqstan ata-analar odaǵy» RQB uıymdastyrdy. Sahnada sóz alǵan belsendiler ata-analar men aǵa býynǵa qurmet kórsetý, Otanǵa súıispenshilik, oqý men salaýatty ómir salty sıaqty asa mańyzdy taqyryptardy qozǵady.
"Qazaqstan ata-analar odaǵynyń" teń quryltaıshysy Baǵıla Baltabaevanyń aıtýynsha, saıabaqqa 700-den astam azamat jınalǵan. Bular - ata-analar, eriktiler, aǵa býyn ókilderi.
Sahnadan qoǵam belsendileri, tanymal blogerler ata-analarǵa, balalarǵa, jastarǵa úndeý tastady. Salaýatty ómir salty, oqý, ata-anany qurmetteýdiń mańyzdylyǵy týraly áńgimeledi. Mysal retinde týǵan jerin qorǵaǵan dalanyń uly áıelderiniń esimderi ataldy, olardyń arasynda Tomırıs, Mánshúk Mámetova, Álıa Moldaǵulova bar. Jastardyń úılesimdi damýy úshin olardyń ómir jolyn zerdeleýdiń, jas qazaqstandyqtardy Otanǵa degen súıispenshilik rýhynda tárbıeleýdiń mańyzdylyǵy atap ótildi.
Baǵıla Baltabaeva atap ótkendeı, shara «Eriktiler lıgasy» men «Qazaqstan ata-analar odaǵynyń» birlesken memorandýmy aıasynda uıymdastyrylǵan jobalardyń bir bóligi boldy. Bular - salaýatty ómir salty, patrıotızm, tarıhty zerdeleý, dalanyń halyqtyq ádet-ǵuryptary taqyryptarynda semınarlar, trenıńter. Osyndaı tárbıelik máni bar jobalar barysynda, ásirese, ata-anaǵa qurmet, aǵa urpaqqa qurmet kórsetýdiń mańyzdylyǵy sóz bolady.
Shara barysynda tanymal ónerpazdardyń konserti ótti. Sondaı-aq, qolóner buıymdarynyń, dástúrli zergerlik buıymdardyń kórme-jármeńkesi uıymdastyrylyp, ǵasyrdan ǵasyrǵa jeter, dala qojaıyndary daıyndaǵan dástúrli buıymdar usynyldy.