«AMANAT» partıasynan depýtattyqqa kandıdattar Asqar Hıkmetov, Sholpan Jamanbalaeva jáne Baýyrjan Seralın Almaty zoobaǵynyń ujymymen kezdesip, jıylǵan qaýymdy partıanyń saılaýaldy baǵdarlamasymen tanystyrdy.
««AMANAT» partıasy basqa partıalarǵa qaraǵanda jaýapkershilikten qoryqpaıdy, óziniń naqty basqarý tájirıbesi bar jáne júzege aspaıtyn popýlısik urandardy emes, naqty josparlardy usynady», – deıdi Almaty qalalyq máslıhatyna usynylǵan depýtattyqqa úmitker Sh.Jamanbalaeva.
Sondaı-aq kandıdattar partıa túrli salaǵa reformalar engizip, halqymyzdyń áleýmettik jaǵdaıyn, quqyǵynyń qorǵalýyn, el ekonomıkasynyń órkendeýin maqsat etetin tyń bastamalardyń júzege asyrylýyna yqpal etip kele jatqanyn aıtty. Depýtattyqqa kandıdat qorshaǵan ortaǵa qatysty ózekti máseleniń az emestigin tilge tıek ete otyryp, qaýipsiz qalalyq orta aıasynda atqarylatyn is-sharalardy tizbektedi. Sonyń ishinde megapolıstegi úısiz janýarlardyń sanyna monıtorıń júrgiziletinin habarlady.
Sonymen qatar jıynda aǵashtardy zańsyz kesýge, ekologıalyq quqyq buzýshylyqtarǵa, janýarlarǵa qatygezdik kórsetýge partıalyq baqylaýdy kúsheıtip, ekologıalyq aqparattyń ashyqtyǵy qamtamasyz etiletini aıtyldy.
«Joǵaryda atalǵan sharalardyń nátıjesinde 2027 jyldyń sońyna qaraı barlyq kózderden shyǵaryndylar 105 myń tonnaǵa deıin qysqarady dep kútilýde. Bul qala aýasynyń sapasyn aıtarlyqtaı jaqsartady. QTQ qaıta óńdeý úlesi qazirgi 18%-dan 36%-ǵa deıin ulǵaıady, jasyl jelektermen ortasha qamtamasyz etý 13 m2 adamdy qamtıtyn bolady», – dedi kandıdat Sholpan Jamanbalaeva.
Jıyn barysynda saılaýshylar óz salasy boıynsha ǵana emes, saılaý aldyndaǵy baǵdarlamada kórsetilgen bilim men ǵylymǵa, eńbekaqyǵa qatysty basymdyqtarǵa nazar aýdardy. Máselen, elimiz boıynsha, onyń ishinde Almaty qalasyndaǵy zoobaqtardyń jetispeýshiligi, ony damytý máselesi qozǵaldy. Sondaı-aq, atalǵan uıymdardaǵy qyzmetkerler eńbekaqysynyń azdyǵy suraǵy ótkir bolyp tur.
Mekemeniń uıymy bedeldi ári belsendi. Olar aldaǵy saılaýǵa bir kisideı qatyspaq.
Almaty qalasy máslıhaty depýtattarynyń saılaýynda partıalyq tizimdi usynǵan «AMANAT» partıasy saılaý qorynyń qarajatynan tólendi