Buǵan deıin jas shekteýi 29 jas dep belgilengen bolatyn.
Qazaqstan Respýblıkasy Úkimetiniń 2023 jylǵy 3 naýryzdaǵy qaýlysymen "Daryn" syılyǵyn jáne "Táýelsizdik urpaqtary" grantyn taǵaıyndaý qaǵıdalaryna ózgerister engizildi, dep habarlaıdy Almaty-akshamy.kz
Syılyq alýǵa ótinimder qabyldaý aıaqtalǵan kezde 35 jasqa tolmaǵan, halyqaralyq jáne respýblıkalyq konkýrstardyń, festıválder men kórmelerdiń laýreattary, respýblıkalyq jáne halyqaralyq deńgeılerdegi sporttyq jarystardyń júldegerleri men jeńimpazdary bolyp tabylatyn Qazaqstan Respýblıkasynyń azamattary, sondaı-aq qyzmeti ınovasıalyq bolyp sanalatyn jáne tıisti sala men tutastaı qoǵamdy damytýǵa yqpal etetin kandıdattar úmitker bolady.
Syılyqty bir ýaqytta ár nomınasıa boıynsha ekiden aspaıtyn izdenýshige berýge bolady, bul jaǵdaıda onyń aqshalaı bóligi olardyń arasynda teń bólinedi. Syılyqty qaıta berýge jol berilmeıdi. Bir kandıdatýrany bir nomınasıadan artyq syılyq alýǵa usynýǵa bolmaıdy.
Syılyq avtorlar ujymyna berilse, onyń aqshalaı bóligi olardyń músheleri arasynda teń bólinedi.
"Táýelsizdik urpaqtary" grantyn taǵaıyndaý erejesinde konkýrsqa qatysýǵa konkýrstyq ótinim bergen, konkýrstyq ótinimderdi qabyldaý aıaqtalǵan kezde 14 jastan 35 jasqa deıingi Qazaqstan Respýblıkasynyń azamaty úmitker bola alatyny jazylǵan.
Qaýly 2023 jylǵy 17 naýryzdan bastap kúshine enedi.