2025 jyly 14 naýryzda Almatydaǵy «Kók-Tóbede» halyq Amal merekesi – Kórisý kúnin atap ótedi. Qala turǵyndary men qonaqtary qystan aman shyǵyp, kóktemniń kelýimen birin-biri quttyqtap, jyly júzdesip, qol alysyp, qushaqtasyp, tós qaǵysady, úlkender jastarǵa bata berip, jaqsylyq pen molshylyq tileıdi.
Saǵat 11:00-de «Kóktóbede» ashyq aspan astynda «Kóktóbedegi Amal kúni» atty merekelik konsert ótedi. Sahnada Roza Rymbaeva, Janar Aıjanova, «Jigitter» toby, Aıgúl Qosanova jáne «Alataý» dástúrli óner teatrynyń artıseri óner kórsetedi.
Aıta ketý kerek, 14 naýryz kúni merekege oraı «Kók-Tóbe» aspaly jolymen saǵat 09:00-den 13:00-ge deıin tegin kóterilýge bolady. Kelip, teatrlandyrylǵan konsertti tamashalańyzdar!
Almatyda 14-23 naýryz aralyǵynda ótetin Naýryznama onkúndigi aıasynda 100-den astam túrli is-shara josparlanǵan. Olardyń ishinde kórmeler, spektáklder, sporttyq jarystar, tanymal artıserdiń qatysýymen konsertter jáne basqa da qyzyqty is-sharalar bar. Aýqymdy is-sharalardyń ańdatpalary Almaty qalasynyń Mádenıet basqarmasynyń @almatymadeniet paraqshasynda jáne Almaty qalasy ákimdiginiń resmı ınternet-resýrstarynda jarıalanady.