Qazaqstanda bir gram altynnyń quny 40 myń teńgeden asty, dep habarlaıdy aqshamnews.kz.
Qazaqstandaǵy altyn baǵasy sharyqtap, 23 qyrkúıekte taǵy bir rekord jańartty. Ulttyq banktiń málimeti boıynsha, bir gram baǵaly metaldyń quny 40 144,06 teńgege jetti. Baǵanyń bulaı kóterilýine álemdegi saıası jáne ekonomıkalyq oqıǵalar áser etken. Altyndy mıllıoner ınvestorlar ǵana emes, Qazaqstannyń barlyq azamattary tikeleı ekinshi deńgeıli bankterden nemese keıbir aqsha aıyrbastaý pýnktterinen satyp ala alady. Salmaǵy 5-ten 100 gramǵa deıingi 999,9 taza altyn quımalaryn satyp alýǵa bolady.
Aıta keteıik, bir jyl buryn altyn satyp alǵan qazaqstandyqtarda qazir árbir gram altyn úshin qosymsha 10 712,41 teńge túsedi, óıtkeni byltyr 22 qyrkúıekte bir gram altyn bar bolǵany 29 432,77 teńge bolǵan. Altynnyń tabystylyǵy jylyna 36,4 paıyzǵa jetip otyr. Salystyrý úshin: qazaqstandyq bankterdegi tartylǵan depozıtter boıynsha ortasha naryqtyq syıaqy mólsherlemesi 13,5 paıyzǵa teń.