Memleket basshysynyń tapsyrmasymen QR Oqý-aǵartý mınıstrligi men Aqtóbe oblysynyń ákimdigi «Sıfrlyq tehnologıalardy paıdalanyp Aqtóbe oblysyndaǵy shaǵyn jınaqty aýyl mektepteriniń áleýetin damytý» pılottyq jobasyn júzege asyrýda. Jýyrda oblys ortalyǵynda ótken respýblıkalyq semınarda atalǵan jobanyń qorytyndylary talqylandy, dep habarlaıdy aqshamnews.kz.
Jalpy pılottyq joba Aqtóbe oblysy boıynsha 10,5 myńnan astam oqýshy bilim alatyn 134 shaǵyn jınaqty mektepti qamtıdy. Tirek mektepterdiń oqytýshylary sabaq berýde strımıngtik oqytýdyń sıfrlyq sheshimderin qoldandy. Joba nátıjesinde mektepterde onlaın oqytý úshin jańartylǵan sıfrlyq kabınetter jáne laboratorıalyq jumystar úshin ǵylym kabınetteri ashyldy, 1000-nan astam pedagog «Órleý» biliktilikti arttyrý ulttyq ortalyǵy ázirlegen eki bilim berý baǵdarlamasy boıynsha oqydy. Y.Altynsarın atyndaǵy Ulttyq bilim akademıasy ǵylymı-ádistemelik súıemeldeýdi júzege asyrdy.
«Oqý-aǵartý mınıstrligi aýyldyq jáne shaǵyn jınaqty mektepterdi damytý boıynsha júıeli jumystar júrgizýde. Segiz myń mekteptiń 67,4%-y aýyldyq jerlerde, 51,2%-y shaǵyn jınaqty bolyp tabylady. Olardyń basym bóligi Soltústik Qazaqstan, Qostanaı, Aqmola, Pavlodar, Batys Qazaqstan jáne Aqtóbe oblystarynda ornalasqan. Aqtóbe oblysynda júzege asyrylǵan pılottyq jobanyń nátıjesinde aýyl mektepterinde bilim sapasy pen oqytý tıimdiliginiń aıtarlyqtaı artqanyn baıqap otyrmyz. Bul joba joǵaryda atalǵan óńirlerde 2025-2026 jyldarda júzege asyrylady», - dep atap kórsetti oqý-aǵartý birinshi vıse-mınıstri Natalá Jumadildaeva.
Atap ótý kerek, jobany júzege asyrý kezinde mektepterdiń 77,4%-da joǵary jyldamdyqty ınternetke qosý jáne pedagogıkalyq kadrlar tapshylyǵy máselesi sheshimin tapty. Joba «Qazaqstan halqyna» qorynyń, Bilim berýdi turaqty damytý qorynyń qoldaýymen Aqtóbe oblysynyń ákimdigimen birlesip QR Oqý-aǵartý mınıstrliginiń bastamasymen júzege asyryldy.