Oqýshylar saraıynda bas qosqan oqýshylardyń qarasy qalyń. Olar bul kúni óz qoldarymen jasaǵan ásem buıymdaryn kópshilik talqysyna salyp, baq synap jatyr. «Altyn qazyna» atty qalalyq kórkem jáne sándik-qoldanbaly óner boıynsha balalar shyǵarmashylyǵynyń kórme-baıqaýyna qatysqan jumystardy ádilqazylar 7 nomınasıa boıynsha baǵalady. Júzden júırikter arnaıy dıplomdarmen marapattaldy.
Kórme zalynan oryn alǵan jumystar birinen-biri ótedi. Onyń úzdigin tańdaý qazylarǵa da ońaıǵa túspegen syńaıly. Óıtkeni, balanyń qıaly óte júırik. Áste, onyń álemine boılaý da ońaı emes. Máselen, bir ǵana boıaýmen búkil oıyn jetkizgen, qarapaıym jippen taqyrypty ashyp kórsetken jumystar bar. Ásirese, aǵashtan túıin túıgen, temirdi qamyrsha ılegen sheber balalardyń qadamy qatty qýantyp otyr. Árıne, olar keleshekte osy joldy tańdap jatsa, kórkem óner salasynyń bolashaǵy jarqyn bolary sózsiz. Taǵy bir qýanarlyǵy- olardyń shyǵarmalaryndaǵy ulttyq boıaýdyń qanyqtyǵy boldy. Balalar óz shyǵarmalary arqyly ulttyq qundylyqty barynsha dáriptegeni baıqalady. Kez-kelgen shyǵarmaǵa zer salsańyz, onda bezbendelgen el tarıhyn baıqaısyz. Týyndyǵa elimizdiń ótkeni men búgini arqaý bolǵan. Sonymen, «Aǵashty, súıekti, terini kórkemdep óńdeý:» -Almabek Jánibek, «Metaldy kórkemdep óńdeý» Malıka Hafız, «Aǵashtan, tastan, sazdan (qysh saz), saban, toqymadan shaǵyn formadaǵy músinder jasaý» Abaı Eljan, «Toqyma buıymdaryn daıyndaý» Araı Erkin , «Qaǵazdan buıymdar jasaý» Aıdana Qanaıbek, «Ulttyq oıý-órnegi bar halyqtyq kıimderiniń úlgisin jasaý» Márıam Datqaeva, «Ulttyq naqyshtaǵy ıntererdiń erekshe dızaın jobasy:» Álıhan Ánýaruly 7 atalym boıynsha 1 oryn ıegeri atanyp, jeńimpaz dep tanyldy.
Taqyrypqa oraı:
Mádına Muratbekqyzy, Oqýshylar saraıynyń kórkem óner bóliminiń jetekshisi
- Kórme-baıqaýdyń «Altyn qazyna» atalýy da tegin emes. Jalpy, bul baıqaý úrdiske aınalyp, turaqty ótip keledi. Osynaý baıqaý barysynda qanshama talantty balanyń esimi belgili boldy. Baıqaýǵa qatysyp, baǵyn synaǵandar qanshama! Máselen, bıyl 7 atalym boıynsha 230 jumys kelip tústi. Oqýshylar saraıynyń kórme zalynda jeńimpazdar esimi anyqtaldy. Sátin salsa, 1 oryn ıegerleri mamayr aıynda Astanada qashyqtan ótetin respýblıkalyq kezeńge qatysatyn bolady.
