Bul bıylǵy 3 aıdyń kórsetkishi.
Qazaqstandyqtar 19 myńǵa jýyq altyn quıma satyp alǵan, dep habarlaıdy Almaty-akshamy.kz
2024 jyldyń I toqsanynda ekinshi deńgeıli bankter men jeke banktik emes aıyrbastaý pýnktteri jalpy salmaǵy 816,4 keli bolatyn 18 969 ólsheýish quıma satqan.
2024 jyldyń I toqsanynda ólsheýish quımalardy satýdyń eń úlken kólemi myna óńirlerde tıesili ekeni habarlandy:
Almaty (12 456 dana, 66%);
Shymkent (2 861 dana, 15%);
Jetisý oblysy (983 dana, 5%).
Ulttyq banktiń málimetinshe, 2017 jyly halyq úshin tazartylǵan altynnyń ólsheýish quımalaryn satý jáne satyp alý jónindegi baǵdarlamanyń bastalýynan bastap jalpy salmaǵy 6,2 tonna 170 543 altyn quıma satylǵan. Keri satyp alýǵa jalpy salmaǵy 937,7 keli bolatyn 34 569 ólsheýish quıma qabyldandy, bul ólsheýish quımalardy satýdyń jalpy kóleminiń 20% quraıdy.
Satyp alýshylar arasynda eń tanymaly – salmaǵy 10 gramdyq quıma, onyń jalpy satylymynyń úlesi 25% – 43 039 dana. Odan keıin 100 gram - 40 004 dana (23%), 5 gram - 39 093 dana (23%), 20 gram – 28 581 dana (17%) jáne 50 gram - 19 826 dana (12%).