Kúkirt qyshqyl sehy salynady
Balqash qalasyndaǵy óndiris oshaqtarynan jylyna shamamen 70 myń tonna zıandy zat aýaǵa taraıdy.Onyń 56 myń tonnasy mys qorytý zaýytynan shyǵady, dep habarlaıdy Almaty-akshamy.kz «Habar 24» telearnasyna silteme jasap.
Alaıda Ekologıa departamentiniń málimetinshe, bul qalypty jaǵdaı, ruqsat etilgen mejeden aspaıdy eken. Kásiporyn basshylyǵy 2025 jylǵa deıin zıandy qaldyqtar mólsherin 70 prosentke azaıtýdy kózdep otyr. Sebebi keler jyldan bastap óndiris oshaqtarynan bólinetin qaldyq mólsheri kún saıyn avtomatty túrde anyqtalatyn bolady.
«Kúkirt qyshqyl sehyn salamyz. Tolyq gazdyń barlyǵyn kúkirt qyshqylyn shyǵarý arqyly óńdeıtin bolamyz. Gazdyń barlyǵyn 100 paıyz alatyn bolamyz, aýaǵa eshteńe ketpeıtin bolady», – dedi Mys qorytý zaýytynyń dırektory Erbol Aıbekov.
2023 jyldan bastap óndiris oshaqtarynan bólinetin zıandy qaldyqtardyń mólsheri kún saıyn avtomatty túrde memlekettik organdarǵa jiberilip otyrady. Ol aqparatty eshkim ózgerte almaıdy. Bıyldan qalmaı elimizdegi barlyq kásiporyndar arnaıy qurylǵy ornatýy tıis, – dedi Qaraǵandy oblysy boıynsha Ekologıa departamentiniń basshysy Qanat Musaparbekov.