Astanada eki kún boıy «Altyn dombyra» respýblıkalyq aqyndar aıtysy ótti.
Bul joly 16 aqynnyń ishinen top jarǵan Maqsat Aqanov «Altyn dombyranyń» ıesi boldy, dep habarlaıdy Almaty-akshamy.kz
«Eńbek – el yrysy» taqyrybyndaǵy qarapaıym eńbek adamdaryna arnalǵan respýblıkalyq aqyndar aıtysyn «AMANAT» partıasynyń qoldaýymen Mádenıet jáne aqparat mınıstrligi uıymdastyrǵan.
Bas júldeni ıelengen qaraǵandylyq Maqsat Ahanovqa «Altyn dombyra» men avtokólik berildi.
1-oryn jáne «Aıtys aqtańgeri» ataǵy qyzylordalyq Meıirbek Sultanhanǵa, 2-oryn pavlodarlyq Aspanbek Shuǵataıǵa buıyrdy. 3-oryndy ulytaýlyq Tólegen Jamanov pen Batys Qazaqstan oblysynan kelgen Jansaıa Mýsına aldy.
Sondaı-aq, jambyldyq Alına Aıdaraly, Batys Qazaqstan oblysynyń aıtyskeri Muradym Meıirlanov pen almatylyq Shuǵaıyp Sezimhan arnaıy júlde ıelendi. Aıtysqa qatysqan barsha aqynǵa qomaqty syı-sıapat tabystaldy.