Mektepke deıingi sapaly bilim berýge kóp kóńil bólinedi.
Qurylysty 2024 jyldyń shildesinde aıaqtaýdy josparlanǵan, dep habarlaıdy Almaty-akshamy.kz
Bıyl shilde aıynda 10-shy shaǵyn aýdanda 160 oryndyq jańa balabaqshanyń jobalaý-smetalyq qujattamasyn ázirleý bastaldy (bıyl 30 mln. teńge bólindi, merdiger – «Kapremproekt» JSHS). Memlekettik saraptamadan keıin 2024 jyldyń mamyrynda aıaqtalady.
Sonymen qatar Taýgúl shaǵyn aýdanyndaǵy apatty dep tanylǵan balabaqsha ǵımaratynyń ornyna 120 oryndyq jańa balabaqsha salýdy josparlap otyrmyz. Qarasha aıynda jobalaý-smetalyq qujattamany ázirleýge konkýrs jarıalanady (jobalaý-smetalyq qujattamanyń bastalýy – 2024 jylǵy qańtar, aıaqtalýy – 2024 jylǵy qyrkúıek).
2-shi shaǵyn aýdanda burynǵy 120 oryndyq balabaqsha ǵımaratyn seısmıkalyq kúsheıtip, kúrdeli jóndeý jumystary jobalanýda (qazir «Aqnıet» jeke mektebi jumys isteıdi, jobalaýshy – «Stroıteks» JSHS). Memlekettik saraptamadan keıin jobalaý-smetalyq qujattamany aıaqtaý merzimi – 2024 jyldyń I-shi toqsany. Qurylys-montajdaý jumystary 2024 jyldyń III-shi toqsanynda bastalady.